في ذمتي يوم اشوف الدمع بعيونك
كأن الحشا فيه مثل الخنجر الدامي
كف البكاء لعنبوا من فكر يخونك
والله لموت وغرامك شمعة ايامي
ليه انت ماتدري ان الكون ذا كونك
وحطمت من زود حبك كل الارقامي
ماعاش قلب يجي بالحب من دونك
ولا عاش حب يغير حبك السامي
الحزن واللي رفع قدرك ماهو لونك
ما أطيق اشوفك تهل الدمع قدامي
أبيك مبسوط لو كثرت بطعونك
لوكنت انا الصدر وانت السهم والرامي
انت امسيات الغرام وفرح مضنونك
وانت النقا والبياض ومصدر الهامي
لي قلب همه يفرج كربة حزونك
ولي طرف من يوم ماقفيت مانامي
تعال نفرح عسى هالناس يفدونك
شوق المشاعر بدونك كأنها ايتامي
تعال صب الغلا في قلب محزونك
من ضيقة الصدر فزاع الهوى ضامي
وان شفت للدمع سيرة داخل عيونك
تراك مسئول عن هالخنجر الدامي
::::انشالله تعجبكم::::
المواضيع المتشابهه
العرض الشجري