تراتيــــــل الحنين تشق صدر الليل وجد وشـــــوق
وانا لاجيت ابي للحلم صبحٍ ذبلت عيــــــــــــــــوني
تقاسمني الجروح وكن قلبي لجلها مخـــــــــــلوق
وأكابر لا ضحك ناب العذاب وحال من دونــــــــي!
واش يفيد أن حرسني هالفجردام الفرح مسروق
واش يفيد أن نطرتك ياربيع وخانني لونـــــــــــي!
قبل كم جرح ودموع وذبول وطعنة بعــــــــــروق
انااذكر كنت اغني للبياض وغيمــــــــــتي عوني
أنا أذكركانت عيوني تطالع حلمها من فـــــــوق
وتضــــحك لي ملامح كنت أحسب إنهم تمـنوني
أنا أذكرماشكيت وقلت صدري ضايق ومخنوق
ولاقلت ليدين ماتصون لعهدها صـــــــــــــوني!
ولو ثارت علي دموع قلب راح حــــــلمه بوق
أغني له وأقول اللي نسوني يوم ويجـــــوني!
أزين للسنين السود وجه بالغدر محــــــــروق
وأشيل هموم عمرٍحملــــــــها كلت به متوني
تعبت أكذب على نفسي بأن اللي رحل ملحوق
مع إن اللي رحل ماهمه إن كان أحترق كوني!
تعبت ومابقى لي غيرجرح ٍحط ضــــلعي طوق
تأوى به وأناماودي أكسرخاطرطـــــــــــــعوني!
بأخاوي جرحي اللي من وفاه أحس عنده ذوق!
يسامرني ويبكي لاذكرمن يوم خـــــــــــــــلوني
ولوهب الحــــــنين وشق صدرالليل وجدوشوق
باعذره دامني من يومــــــها مانامت عيوني!!
للمبدعه/ اشتياق الناصر..
المواضيع المتشابهه
العرض الشجري