مبروك ي( شهيل ) تستاهل الخير

[معزي السكيبي]

بسم الله الرحمن الرحيم


تاج و ثلاث نجوم تزهاك يا شهيل
وبأذن الآله إن المقص يردف التاج
...
مطلع قصيده شلتها تالي الليل
فيها نهني طيب الذكر هداج
...
هذاك ابو عبدالله معدل الميل
شهيل له بالطيب مدخل و مخراج
...
راعي الوفاء و الجود و البن و الهيل
و راعي مواقيف(ن) له الناس تحتاج
...
من الشمال تجيك منا المراسيل
من حائل بلمحة بصر عبر الابراج
...
مبروك .. يانسل الرجال المشاكيل
ياإبن الشريف اللي له الطيب منهاج
...
يا إبن الرجال الطيبين الحلاحيل
اللي نباها يذكر كل هراج
...
اشراف ..يوم إنه على الجيش و الخيل
فزعاتهم يوم اللقاء تبهج ابهاج
...
متوارثين الطيب جيل(ن) بعد جيل
ويسمعبهم من هو وراء ساحل العاج
...
و من هو على قزوين و اللي على النيل
واللي على شط العرب لين قرطاج
...
ربع(ن) مشاكيل(ن) قروم(ن) حلاحيل
و اقرب شبهه رجالهم يشبه سواج*





الابيات المتواضعه اهداء إلى العميد /شهيل علي الشريف
مدير شرطه الخفجي
بمناسبه ترقيته

مع تمنياتي له بالتوفيق و السداد بعمله لصالح الوطن و المواطن


سواج*جبل مشهور بالقرب من محافظه الرس

معزي الشمري
- حائل -