حارة الرائديه بين الماضي والحاضر

[شمالي]

السلام عليكم ورحمة الله وبركاته

دخلت حارتنا ( الرائديه ) وانا متلطم زياده على القناع قلت بتمشى في الحاره وشوف التغيرات اللي صارت فيها,,,,وانا اتمشى مريت على بيت العمدة الرائديه والقاه على ماهو عليه بس مغير البويه وحاط حجر رخام على الجدار ومغير المداخل حاطها سراميك مرهم البيت(مجدده) عساه عامر بصاحبه..وبعدين مريت بيت ابو رائد لقيته مجدده كذلك بس بدون نور مثل العاده يبي نجمه ينوره وبعدين قلت بروح لدكات الحاره ومريت اول شي على منتدي الضحك والابتسامه ووقفت عندها ادور الشباب اللي يلعبون مصاقيل في الدكه ويلعبون كيرم ويلعبون طجمه ويلعبون كوره وهم حافين (بدون نعال) الله يكرمكم ويلعبون حبيش او واحد طش …ودورت البنات اللي يلعبون دبق ويلعبون خطه ويلعبون بص البص البصيصه دايم يخرب عليهم الدووخي يضيع الطريق ويصدم فيهم ودورت شلة الانس والسحالي القداماء ما لقيت إلا القليل منهم دورت على حكومي اخبره ما يتعدى منتدي الضحك الوناسه حتى اكله ونومه فيها يرجم كل من دخل بالحصا ويصدم في الجدران وهذا السبب اللي يخليه ما يتعدى الضحك الوناسه ما يشوف وما عاد دل باب الخروج واستقعد لاهل الحاره على الدكه وكانت معه نحلة الحاره الحنان ترحمه وتمر توسع صدره ابتســــ الم ــــامه تجيب الاكل لهم وعبدالعزيز الجلعود وسوليتيرودلوعه المنتدي همســــ مشاعر ــــه وابوليلي وهلالي الرائديه وعجاج وبو شهاب والجوووري samiو »ليلـ.ي آلـ.ـم« و الزنكلوني ويعذرني من نسيته من التماسيح او السحالي ….ومن دخل الحاره وهو غريب يبي يفرق اهلها والفتهم واخوتهم مع بعض يا ويله من حكومي والدووخي و ابو شهاب بيرجمونه بالحصى لين ينحشونه عن الحاره اما من دخل يبي منتدي الضحك والوناسه بدون مشاكل يبشر بالحفاوة من عمدة الحاره ونائبه وكبار الحاره والاعضاء بدون استثناء ولقيت الشباب كل واحد بجواله وبلاي ستيشن والسيارات المضلله والبنات كل وحده تدور وش اخر موضه واشكال الجوالات الملونه مثل جوال (راعية واجب اللي كان بيسرق منها) ولقيت الاعضاء معطين الدكة حلاوه الله يعطيهم العافيه وذكروني بايام اول ياهو زمن بمزحهم وتعليقهم على بعض وتراشقهم بالذبات الحلوه الغير مقصوده فقط لضحك والوناسه بدون تجريح وشعارهم الدعوه مزوح تجي وتروح ...
مريت على دكة المثقفين واهل الفلسفه(الحواروالحديث) وادورابو رائد ونواف الفهاد وابتســـ الم ـــامه وشمالي ..
كانوا يكتبون ويتحاورون مع الاعضاء مثرين الدكه بمواضيعهم الهادفه يبغون يثقفون اهل الحاره بس ما عندك احد ولقيت الاعضاء الموجودين ما قصروا بمواضيعهم وحواراتهم الهادفه على سبيل المثال ابتســــ الم ــــامه مبروك الاشراف على الدكه والله ناسي انا باركت لك من اول او لا و نواف الفهاد و الجوووري ...
طبعا من سكان الحاره الاولين والحنان و النصر اولا و قيصر روما و فهد القحطاني وعواد العنزي
نشيطين في الحاره تلقاهم في كل دكه اسم الله عليهم من العين،، وبو بندر الثقفي و عاشق الالماس و الفيلسوف
طبعا من السكان الاولين الله يعطيهم العافيه…
ومريت على دكة منتدي الخواطر وعذب الكلام ومنتدي الشعر كل ما ضاق صدري مريت اسمع قصيده او قصيدتين عندهم ولقيت الاعضاء الموجودين معطينها جوها مثل اول واحسن بكثير تطورو صار عندهم مكبرات صوت اول نتزاحم نقرب من الشاعر عشان نسمع الله يعطي مشرفين الدكه العافيه على التطوير…
وخذت لفه على المنتدى وانااقول وين قوات الطواري والمداهمات ونقاط التفتيش اللي كانت موجوده عند كل مدخل دكه في الحاره للحفاظ على الامن والقضاء على المشاغبين واصحاب المشاكل بسبب بعض الاعضاء اصحاب المشاكل كان قائد المداهمات كل يوم يجي يتسلف قناعي يقول عندنا مداهمه ما نبي احد يعرفنا واتورط ما اقدر اطلع بالحاره لاني بصير غير مقنع ……
تعبت من اللف في المنتدى كان ودي اروح لكل الدكات خاصه منتدي الاصدقاء لكن تعبت لان المتصفح بطي من كثرة الضغط عليه وكثرة سكان الحاره الله يزيدهم… يارب ..

احب اشكر القائمين على المنتدى من العمده الرائديه والمشرفين على المنتدي الى الاعضاء جميعاً واخص بالشكر الاداره على تطويرهم للمنتدى( حارتنا )وتطوير محتواه……. وتزين جدران الحاره بعد ما كسرها ابو رائد من كثر ما يصدم فيها يا ويلي منه لو يدري اني مستلمه بس يليت يرجع ويرجع جميع الاعضاء المنقطعين عن المنتدى مع الاعضاء الموجودين الله يعطيهم العفيه والله بنعيش اجواء حلوه بالحاره بس بيصيرزحمه في الحاره وازمة سكن وزحمه في الشوارع( كنك في شوارع الرياض الصبح وقت الدوامات) متى توصل للمنتدي المطلوبه من الزحمه.
اسف على الاطاله وليعذرني الاعضاء الذين لم اذكر اسمائهم هنا والله ما عرفت اركز وانا الف في الحاره الكبر شين انبهرت بالتطور والتقدم…


فليكن شعارنا

الدعوه مزوح تجي وتروح واهم شي صفاء النفس والروح
اخوكم
شمالي .
دمتم بحفظ الله