إخواني هذي أيضاً من الأبيات التي أعجبتني كثيراً وتحوي على معاني راقيه
في حب التسامح والصفح بين الإخـوان . . آمـل أن تحـوز على رضاكم وترضي
ذووقكم الشعري .. وهي للأخ الشاعـر .. / فرحان بن قيران العنزي
أنا ليا أخطى صاحبي قلت مسمــوح .. مانــي بمثل أول قريـــب مــدايـــه
زلة رفيقــي تطعــن الصـدر وتروح .. لاهي آخـر الدنيــا ولاهـي البـدايــه
أذكـر له المـاضي وانا منه مجـروح .. من جنس فعله قبل يخطي جزايــه
صــداقتـه تبقى معـي ويـن مـااروح .. في فرحتي في ضيقتي في رضايه
وليا عطـاني ســرّ بالسـرّ مـاابــوح .. يبقى معـايـه ليـن يدفــن معـــايــه
ماني بخبـل للمسـاكيــن مفضــــوح .. في كل سـاعــه جـايـب له روايــه
اجزي شريك العقل والقـلب والروح .. بحذف الخطا مـادامي اقـدر ورايه
تدرون ليـه أضحك وأباديـه بمزوح .. أبيه كــان أخطيــت يدمـح خطـايـه
أنا بشــر مثله مغربـل ومشـفــــوح .. عـن البشـر وش يرفعـه مستـوايه
أجاوب الورقـا الحـزينه على الدوح .. ياشفت لـي عـاجــز بليـا حمـايـــه
ويهــزني يـامرنـي خطــو مملـوح .. تتهتز ريضـاني ويمطــر سمــايــه
وباالذات أبو رمش ليا أرخاه ذابوح .. هذاك عقـب الصمـت يبحـث خفـايـه
ياشفت زوله لااقـدر آقف ولااروح .. تيبس أطـرافـي ويسكــر هـــوايـــه
إللي سنا خـده من البرق به ضوح .. عيــا يعـالجنـي ويصـــرف دوايــه
أنا كتــاب للمـحبيــن مــفتـــــوح .. تعـال واقـــره يـانـديـم القــــرايـــه
تاطى قدم رجلي على كل سـاموح .. ماضيّقت عـوج الطلايــب فــضـايـه
أكبح وأفـرمـل سـالفـة كل مكبـوح .. وليـا تمـادى له طلبــت الهــــدايـه
ماأجاري الطرشان والصوت مبحوح .. الناس تجـري من وسيله لغايــه
حصّـلت باالدنيـــا مـلذات وجـــروح .. ودوّجـت باالديـــره ولايـه ولايـه
أضحك وعيني تخفي الحزن والنوح .. وعقب التعب ردّيت مـرهق وتايه
ولقيـت حبـر أقــلام الأيـام ممسـوح .. خطـوة بدايـه خـاتمتهـا نهــايـــه
وسلالالالامتكم ، ،
المواضيع المتشابهه
العرض الشجري