[poem=font=",6,,normal,normal" bkcolor="transparent" bkimage="" border="ridge,4," type=2 line=0 align=center use=ex num="0,black""]
الا يا هاجسي فكره طرت لي وانت كلك ذوق= ابعرضها عليك ولا تغير في ملامحها
ابي منك قبل نبداء تلحن مبتدء الطاروق=على شان القصيده ترضي النفس ومطامحها
ابي منك تحمس البن لا باقي ولا محروق =وتوزن دلة (ن)سويتها لي العام لامحها
بعد فنجالها الاول يجي للبدع علم وشوق=وبعد فنجالها الثاني تجي الفكره واطارحها
وبعد فنجالها الثالث بنات الفكر كفن العوق=لفا صف (ن)بدرهامه ولفا صف(ن) بجامحها
تشاورنا على الفكره وكيف بننقذ المخنوق=وقررنا نبينها على العالم ونوضحها
تبون العلم والفكره تراها جاهزه للسوق=يقدرها ويشريها وسيع العرف رابحها
سمعتوا في مهر عذراء على الميتين كله سوق=درستوا حالة المعرس ونفسه ويش كابحها
عرفتوا بالذهب غالي وسعره طائر(ن) لافوق=وعرفتوا لازم الحفله اذا ما كنت شارحها
قبل شهرين تحجزها تفادا كلمة(ن)مسبوق =ومختصه تلبس كل حاجه في مطارحها
وعلى ما كشكشو كوشه كشفها معتلاها فوق=عليها من زهزور وورد ما يرضي لمادحها
وطقاقة تطقطق في الحفل لجل العقول تروق= وليزر فيه عشر اللوان والفواح سابحها
تعال نشوف نبذه طاولة فيها الحلى مشروق=وعصير مشكل مابين حاليها ومالحها
بعد هذا نسولف بالعشاء واصل العشاء منطوق=سمعت ان العشاء بوفيه والمسكين قادحها
يريدون العشاء غايه ولابه من عيال النوق=يخافون الكلام بحفلة ال فلان يجرحها
نسج الرجل للمعرس نبارك له على المعلوق=عسى ما حن بشماته ونور الشمس كا شحها
توسطنا بشخص أقريب منه وهو موثوق=وجاب العلم لي كامل وقال البير نازحها
وقال انه خذاله قرض غير الجمس من فاروق=وباع الجمس بالساحه حراج(ن) تحت صايحها
خذاله شقه بعشرين واثثها وهو محروق=وعشاه من الغنم عشرين للحضار ذابحها
بعد ما زل نص الليل زفوا له عروسه شوق=تظاهر قدمها شبعان ولا يقدر يصارحها
بعد ما طاف له شهرين ميز واعترف مشنوق=عليه اقصود بنك وجمس والشقه ونايحها
الا يا هاجسي كيف الطريقه ننقذ المخلوق=بعد ما صار دينه ربع مليون (ن)يصافحها
الا يالله ببارق خير يلفي من بعده ابروق=ونلقاء حل والعالم يبين لي تسامحها[/poem]
المواضيع المتشابهه
العرض الشجري