من يصدق مسلمين بمنهج ٍ ٍ علماني

[مشبب البشري]

من يصدق مسلمين بمنهج ٍ علماني

صـــــوت .... وصـــدى


قصيدة الشاعر عقيل مديسيس الشمري


[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا مشبب صاحبي والنعم يا لقحطاني = انت من ربع تعز الضيف هو والعاني
شاعر معروف جعل الله يطول عمرك = وجعل ربي يحفظك يا طيب الجداني
الحقيقه يا مشبب لك معزه عندي = والله انك يا قحطاني كنك من اخواني
ودي اسند بيوتي لك ولا لي حاجه = غير ابشكليك يابشري من زمان شاني
الزمان اليوم ياشينه ويا مكثر سوه = وكل سو ً يا مشبب جابه الانساني
الزمن مضلوم واللي ضالمينه حنا = من يصدق مسلمين بمنهج ٍ علماني
ودهم يا صاحبي بانه تضيع الطاسه = ودهم تصير دولتنا بعالم ثاني
كل يوم تشوف يا مشبب لهم تغريده = حسبنا الله الوكيل الواحد الدياني
جعل ربي يحفظ الاسلام ويحمانا = المعالم ظاهره والناس في نسياني
واحد يجرى على سب النبي محمد = اعرف ان الله يبي يكتب له الخذلاني
البني الهاشمي صفوت قريش الهادي = جعل من سبه تصيبه جلطة الشرياني
وجعل من لا ذب عنه بنار ربي خالد = خاسر دنياه ولاخرى بعد خسراني
وفيه يالبشري حثاله ما تخاف من الله = باعو الدين الشريف وخانوا الايماني
اقسموا بالله يا مشبب على خدمتنا = واصبحوا يمشون يالبشري ورا الشيطاني
جعل رب البيت يا خذهم وربي قادر = جل سبحانه عظيم الملك والسلطاني
اكلين السحت هم ضيم الفقير الكادح = مشبعين عيالهم ولغيرهم طوفاني
ارصدتهم يا مشبب فوق ما تتخيل = خانوا الشعب وولي الامر والرحماني
[/poem]



الرد على قصيدة الشاعر عقيل مديسيس الشمري


[poem=font=",6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
عد ما لاحت بروق الصيف والامزاني =مرحبا يالشاعر اللي يصخر القيفاني
يا عقيل الشمري ياخوي فـ الاسلامي =مرحبا ترحيبة همالها وداني
القدر والطيب باولها مع الترحيبه =قلط المجلس وتلقاء الهيل والخولاني
ليل لول وصلني منك بيوت ٍ جزله =والهلالي سيرتك بالبيت ماله ثاني
كان ردة للعلوم ومدح راع الطاله =والله انكم من زحول القوم قدر وشاني
مرحبا يا طيب السيره ونعم اللابه =لابة ما هي تقهقر لا دعاء الميداني
الفخر في ساسها والعز متن وهيبه= الكرم والجود فيها واثبت العنواني
رحمة ال بقار والجرباء وحاتم قبله=اسسوا للجود ساس وللكرم بنياني
الرساله واضحه جوف القصيده مره =مرها في داخل افوادي ونطق الساني
بين لبرالي وعلماني وحوثي غادر =والحونشيه يسار ايمين فالضلعاني
كان ابو حدين ما دور لاثار الجره =فلة الحشوان بالبيداء مع الغزلاني
ليت راعي الذود يطرد جرب ذوده منه=قبل ما يجرب عليه الهرش والحشواني
يا عقيل ادري بما في خاطرك ما الومك=غيرتك لدين هذا وصف للشجعاني
من يسب الدين ماله غير شبوا الباتر=ومن يسب الدين ماله عندنا مسكاني
غردة حصه وتوتر في رضاها فاجر=لن راس الكشغري ما مره الحساني
النبي يكرم ودينه في يدين الباري=وخادم البيتين يفهم غاية الخواني
يا عقيل الصدق قلته في بداية قولك= من يصدق مسلمين بمنهج ٍ علماني
[/poem]