عيون فاتن

[عاشق الجبيل]

ياعيونها هونك علـي وش بلاكـن

من علّمك ذبحـي وقتـل المواصيـل

تدرين احبـك ليـه وادري.. ولكـن

خوفٍ أداري كثـرة القـال والقيـل

يبقى الغـلا وان فّرقتنـا المساكـن

اصدق شعورٍ من قصيـد ومراسيـل

ما اْقرب مداكن , لا , وما اْبعد مداكن

عندي هِنَيّا .. بس كيف المحاصيـل

كانه عَلَيْ .. ِيمْدينـي انّـي تِماكـن

لكنّـك اْغلقتـي دروب ومداهـيـل

يبقـى الغـلا متْـربّـعٍ ومْتِمـاكـن

في مهجتي ماشلـت هـم العواذيـل

العن ابـو ظروفـك وحـظٍّ وراكـن

إلويـن حنـا والظـروف المهابيـل

انا فرحكـن لـو فرحكـن نساكـن

واذا بغيتـن دمعـكـن والمنـاديـل

لاتشتكيـن الهـم جعلـي فـداكـن

يحرم علـى مـن مثلكـن البهاذيـل

ياعيون فاتـن يسعـد الله مساكـن

ان كانها الفرقا واذا هـي مواصيـل

نعـم غلاكـن ماجرحنـي ولـكـن

كل يوم يذبحني وانا اقول له : حيـل