| شوربة كريمة الفطر |

[كاتمة الهم]

سهله ولذييييذة ومقاديرها بسيطة .
للي يبون يعرفون وش أقرب طعم لها , هي شوربة الفطر بمطعم نينو .

| الطريقة والمقادير مع بعض | :

أول شي نجيب علبتين فطر طازج - تلقونه بالسوبرماركت -
وننظفه ونقطعه لشرايح .

بعدين نحمس في قدر بصله كبيره مفرومه مع ملعقتين كبار مليانه زبده وشوي زيت .
لما يذبل البصل نضيف عليه الفطر .

نحمسه دقايق بس ونضيف عليه فلفل أسود وشوي ملح ومكعبين ماجي - دجاج -
ونضيف عليهم ماي من 4 كاسات تقريباً .

ونخليهم , لما يغلي الماي .

في الوقت اللي يطبخ فيه الماي نجيب حبة بطاطس كبيرة ونقشرها ونقطعها نسلقها .
لما تستوي نحطها في الخلاط مع نص مقدار الشوربة وقطع الفطر .

* مانخلط كل كمية الفطر بس النص عشان يبقى منها قطع في الشوربه .

بعد ما نخلط بالخلاط نضيفه على الباقي من الشوربة ونضيف عليها علبة كريمة خفق - الصغيره - .

ونخليها لما تطبخ الشوربة وتثقل شوي ونقدمها .