يالله عليـك ولا علـى غـيـرك يـكـون الاتـكـال
سبحانك اللهم َ وبحمـدك ( زِنـة )عرشـك ..و( نيـف)
وحّـدت باسمائـك مثـل ماوحّـدك عـبـدك بــلال
وآمنـت بـك وآسلمـت بآياتـك علـى الديـن الحنيـف
انت الاحد ..فرد .. وصمد .. وانت الغنـيُ ذو الجـلال
وانا الفقيـر الملتجـي ..وانـت القـوي ..واناالضعيـف
اذكر خطا .. واخشع وَجْل .. من وسع بال ..وضيق بال
واركع ندم .. واذكـر عطـا الغفـران بالدمـع الذريـف
رحمـاك قـبـل الـقـاك بذنـوبـي وادوّر مايـقـال
اطيـب جـواب يدلنـي لابــواب لطـفـك يالطـيـف
عبدك ولا أبحث غير عن عطفك ..لو ان سـود الليـال
تسيّـدت سيـرة ثلاثينـي وانــا ماقـلـت كـيـف !؟
ابـدع طواريقـي .. مـن احساسـي بدعـم الانفعـال
وان جف ريقي .. ماوهبت احساسي ..لكسـب الرغيـف
فصل الشتـاء يمرنـي بالبـرق فـي عـرض الخيـال
ولا ادري انـه مـرنـي الاّ لـيـا عــدّى الخـريـف
شاعر واغني مـن مواقـف تجـرح صـدور الرجـال
من حب ولا ّ طب ّ نوب .. ونوب مـن جـرح ٍ كليـف
ويـن انـت ياهجسـي عليـك الله وامـان الله تـعـال
لاتنتحي ..و الشعـر مالـه عـذر .. والواقـع مخيـف
الجرح في الشعب السعودي من الجنـوب الـى الشمـال
والساحـل الشرقـي مـع الغربـي .. يغذيـه النزيـف
ياقوّ نزفه في العروق ..وفـي العيـون .. وكـل حـال
في المجتمع كلـه .. ومـن دلّـه علـى عيـن الكفيـف
الارض تبكي .. والسماء تبكـي .. علـى فقـد ابتهـال
والشمس تبكي .. والقمر يبكي .. علـى الوجـه العفيـف
الطفلـه اللـي خلّـدت تاريـخ فـي وجيـه العـيـال
الطفلـه اللـي كوّنـت للـدمـع صـيـوان ومضـيـف
الطفلـه اللـي دوّنـت بارواحنـا اصـعـب ســؤال
من يخطف الفرحه ..ويقتل ضحكـة الثغـر الشريـف !؟
يـارب مالـت كفّـة الدنيـا علـى عيـال الـحـلال
يارب صـار الليـل خنجـر .. والنهـار آحـد سيـف
يارب ضيـق صدورنـا ينـزاح فـي حضـن ابتهـال
يـارب اعدهـا سالمـه والطـف باهلـهـا يالطـيـف
واعنـي بأهلهـا كافّـة الشعـب السعـودي لاجــدال
يقولهـا اللـي تنـزف عروقـه مـن الجـرح الكليـف
يالله عليـك ولا علـى غـيـرك يـكـون الاتـكـال
عليـك نشكـي ضعفنـا البيّـن مـن القلـب الرهـيـف
العرض الشجري