بابا خلاص مانبي خدامه ...

[هين]

[align=center]

في ليلة الامس وانااشاهد مباراة نادي الاهلي السعودي مع الفريق الايراني واثناء انسجامي مع المباراة في مجلس الرجال ..

جاتني بنتي الصغيره وجلست جنبي .. ومن خوفها تكلمني وانا اتابع المباراة .. سكتت وبعد شوي راحت .. وارجعت ..
ورددت وبصوت خافت .. بابا خلاص ماعاد نبي خدامه؟

قلت يابابا روحي هناك بعدين بعدين ... انا اتابع المباراة

طلعت ولكن جلست عند باب المجلس تطالع فيني

وانا حسيت ان البنت فيها شي .. بس المبارة كانت قويه


.

انتهت المباراة على خير .. توجهت الى داخل البيت ..

وبالصاله الي فيها التلفزيون الداخلي جلست .. وتكيت على الكنب وقعدت اتكلم مع واحد من الشباب بخصوص المباراة

.
.

خلصت المكالمه ..
انتبهت لتلفزيون الصاله وكان على قناة ( ام بي سي ) الاولى

تذكرت موضوع طفلتي ذات الاربع اعوام .. ناديت عليها
قلت تعالي الحين يابابا امري وش بخاطرك ..

قالت بابا خلاص ماعاد نبي شغاله ؟

قلت ليش ..

قالت بتذبحني بالسكين مثل تالا ؟؟

عرفت انه اثناء متابعتي للمباراة ..
عرض برنامج في الام بي سي ( مع الدكتور داود الشريان )
حلقة خاصه ومفصله عن المغدوره تالا

ضميت بنوتي الحلوه الى صدري وقلت
الله يرحم تالا ويتقبلها بواسع مغفرته .. ونزلت دمعتي

مادري ليش حسيت ان كل طفل بهل عمر
وعنده شاله يمكن يكون .... تالا

الله يحفظ لنا اطفالنا واطفالكم من كل مكروه ومن كل شغاله
تخلت عن انسانيتها ..



انتهى
[/align]