*
*
شاركت قبل أيام قليلة في أمسية شعرية ..!!
كانت ضمن برنامج متكامل في زواج أخي محمد بن شنار الزعبي .. الله يبارك له ..!!
في محافظة الخفجي ..!!
و تشرّفت في كتابة أبيات .. في قبيلة زعب العريقة .. أبيات تضيف لي ولآ تضيف لهم .. كونهم فوق شعور المفردات ..!!
فـ نحن ولله الحمد كنا ولآ زلنا في جوار .. هذه القبيلة .. في حي الغربية ..!!
لـ سنوات .. تتلوها / السنوات ..!!
و لم يكونوا .. إلا نعم الرجال و نعم الجوار ..!!
الله لآ يفرّقهم !!
سلام يا أهل الوجيه السفيره ..
.. و نعمآ / بكم .. يازعب في كل ديره ..!!
من غير قاصر في جميع القبايل
.. و الدلو يظهر .. مايخبّيه / بيره .......!!
الله يبارك في زواج / السنافي
.. جعله زواج مبارك و فيه خيره .......!!
لآ جيت أترّجم .. مايخبيه جوفي ؟!
.. أعدّي من حيره و أوقّع / بـ حيره ...!!
أخاف لآ أقصّر و أجيكم مقصّر
.. و يقال .. ذا الشاعر بيوته قصيره ..!!
لآمن كتبت البيت / عدت و مسحته
.. مدري وش اللي بس ودّي أصيره .!!
العلم يكفي / و البنــادم معلّم ..!
و أعمى البصر يفداه أعمى البصيره !!
يازعب ماوالله تكفّي حروفي ..
.. نعمآ بكم خوّة .. ويانعم جيره .......!!
لكم مع أول سيرة الطيب طاري
.. وأنتم ذخيرة من بغاكم / ذخيره ....!!
الجار محمي عندكم .. و متعزز
من طيب سيرتكم خذى الجار سيره !!
أذكر كلام الوالد / و توّ عمري
.. صغير و الدنيا بعيني صغيره ....!!
يقول ( حظي يوم جاورت زعبي
.. أنام سالي بال عيني قريره ) .....!!
ناسٍ تحشم الجار / تحفظ حقوقه
.. و أنا ولد فهاد / وأتبع مسيره ...!!
ماجيت ذا الليلة / أحبّ الأماسي
.. لو أن جلسات الكراسي مثيره .!!
بس إني قلت اليوم فرصة سعيدة
.. للشمري .. يكشف خفايا ضميره !!
و سلامتكم ..!!
*
*
المواضيع المتشابهه
نعمآ / بكم يازعب .. في كل ديرة !!
العرض الشجري