بدق أتكلم أتعذر بقول آسف على اللي صار .... سالم سيار

[أبو رائد]

قصيدة للشاعر المبدع .. سالم سيار


[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
بدق أتكلم أتعذر بقول آسف عن اللي صار =وأقول الكون مايسوى لا من صرت من دونك


وأقول إني خذلتك بس معايا وردتين أعذار =تقبلهم مثل عصفور يداعب طلعت عيونك


أنا آسف تقبلني حبيبي جيتلك منهار =خلاص انسى وأبي أرجع مثل ماكنت بجفونك


مثل ماكنت تهديني السحايب وأرتوي أمطار = مثل ماكنت توقد لي العتم من شمعة جنونك


أنا غروري خذلني يوم شفت اللي يبوني كثار =شريت أوهام يوم إني أبيعك وأخسر ظنونك


تصدق مانسيت شلون تقطف لي الغلا أزهار =ولا أنسى يوم أجي بهموم تأشر لي على متونك


تقول متوني لهمومك تكون كبار ولا صغار =تشيل الهم ولا تبيّن لعيني كثرة طعونك


تواسيني وترميلي ابتسامة بداخل الانظار =وتورق كل أشعتها وأشوف الصبح من لونك


ذكرتك والدروب اللي حسبت إنها طويلة قصار =وجيتك مانسيت إنك تقول إنهم يبيعونك


مثل ماقلت باعوني وجيتك بكمل المشوار =معك وأرجع مثل أول مثل ماكنت بعيونك
[/poem]