فالشرقيه
عند طلال في شقة هديل
كان طلال يلم اشياءه عشان يرجع لجده
طلال: يالله لولتي انا لازم اروح اكيد امي قلبت الدنيا علي
هديل مسكت يده: بدري حبيبي الوقت خليك شوي كمان
طلال: والله لو علي ما افارقك ولا دقيقه بس الظروف لكن اوعدك اني ارجع
بااقرب فرصه وهــا لازم تجين زواج اخوي طارق انا حجزت لك فنفس اليوم
يمكن اقدر اشوفك
هديل: انشالله مرام دقت علي وعزمتني اقول طلال وش رايك نقول لمرام
عنا اكيد بتساعدنا هي طيبه وتحبني ما اظن توقف ضدك
طلال: خلاص على شورك نقول لها اول بس مو الحين بعدين
هديل: اوكي
طلال يبوس راسها: يالله تبين شي ياعمري
هديل: سلامتك حبيبي
طلال: يالله مع السلامه
هديل:مع السلامه الله يحفظك
__________________________________________
ام طارق
مرام مـــــــــــــــرام <بصراخ> مــــــــــــــــــــــــــــــــــــــرام
مرام جات جري: نعم يمه انا هنا
ام طارق: وينك ساعه اناديك ما تردين
مرام : اسفه ما سمعتك
ام طارق: وين ابوك من صحيت ما شفته وطلال وطارق ما شفت ولا واحد منهم
مرام: ولا انا مع اني صاحيه من بدري بس مالمحت احد غير طارق
يمكن امممم الساعه 11ظهر
ام طارق: الله يستر قلبي مو متطمن حاسه في شي
مرام بمكر: يمكن يمه ابوي متزوج وراح لزوجته الثانيه
ام طارق بانفعال: فال الله والا فالك لا انا اقول يمكن جاه شغل ضروري
مرام: بس احس كثرت خرجاته ومعاد نشوفه زي اول دايما بره البيت
ام طارق بشك: والله مدري بس اكيد بعرف
طيب واخوانك
مرام بلا مبالاه: طارق كالعاده تلاقينه مع شلت الانس تبعه وطلال يمكن طالع له رحله مع الشباب ونواف اظن نايم وغرام اكيد بغرفتها تلعب بلاي ستيشن
ام طارق بتعب: الله يصبرني عليهم مايجي من ورا العيال غير الهم وهذا طليل اشوف كثرت رحلاته ونواف غير نايم حتى الصلاه يجمعا كلها وطارق كمان انا لازم اعلم ابوهم يتصرف معهم
مرام: يالله يمه انا بروح غرفتي تبين شيء
ام مرام: خليك معاي انا طفشانه ابي اسولف مع احد
مرام: راسي مصدع خليها بعدين يالله تبين شي
ام طارق بطفش: لا سلامتك
×××مرام طلعت غرفتها هي ما تحب تجلس كثير مع امها مع انها تحبها وما تبي تزعلها بس لان معظم الكلام يكون حش بخلق الله وفلانه تزوجت وفلانه تطلقت او تقعد تقول لها تعالى الزواج الفلاني خلي الناس تشوفك وتخطبك ومرام من النوع الي مايحب يخرج كثيروما تبي سيره الزواج بهذي الطريقه وما تعرف الناس عشان كذا تتجنب تجس مع امها لحالها×××
شوي الا دخل طلال وهو حده تعبان
ام طارق: اخير شرفت وينك ما تنشاف لا ليل ولا نهار
طلال: كنت مع الشباب ودوبني جيت طلعنا الطايف
ام طارق بحنيه: يايمه اهتم بدروسك اهم شي مستقبلك والله ما بينفعونك اصحابك اذا رسبت اسمع كلامي حبيبي
طلال بتردد: انشالله يالله يمه انا طالع غرفتي بالرتاح تبين شيء
ام طارق: لا سلامتك
وطلع وخلاها جالسه بالصاله لحالها وطفشانه
ام طارق بطفش:اوووف ايش الطفش ذا يليت في عزيمه اليوم كان رحت وانبسطت ااااه الي عندها عيال الكل يحسبها مبسوطه وفرحانه ما يدري انه كله واحد عندها والا لا ما شالله عندي خمسه ولا واحد يجلس يسولف معي لو شوي
الاجا من وراها نواف
نواف: مين مزعل ماما الحلوه
ام طارق: مين يعني انتو وابوكم
نواف: افا زعلانه مني قولي وش تبين وانا حاضر
ام طارق: ابي اعرف انتو وين تروحون ومين تكلمون يعني ابي اسولف طفشانه
نواف: ولا يصير خاطرك الاطيب كم نوره عندنا واش تبين تعرفين وانا حاضر
ام طارق تحضنه: محد يفكر فيني غيرك الله لا يحرمني منك يمه
نواف : ولا منك ياغلى ام فالدنيا يالله سولفي
ام طارق: امس شفت وحده حلوه عجبتني وودي اخطبها لطلال وش رايك
نواف: والله في هذا الموضوع انا مالي شغل اسألي طلال
ام طارق: بس المشكله اخوك فاشل وراسه يابس واخاف تبتلش فيه بنت الناس
نواف باستهبال: وش رايك تخطبينها لي
ام طارق: لا انت لسه صغير اذا تخرجت ازوجك
وكملو سواليف
المواضيع المتشابهه
العرض الشجري