ايطاليا بس مكان ثاني
خارج المدينه
وقت الغروب
قرر ابو بشاير يعملو رحله خصوصا انه اليوم الويك اند اتصل على اياد من الصباح وكلمه وهو وافق يروحو رحله ليوم واحد ..شالو اشياء بسيطه وراحو كلهم كل واحد بسيارته خرجو لمنطقه كلها خضار وورود وهادئه جدا خيمو هناك وفرشو
وجلسو مع بعض يسترجعون الايام لما كانو يخرجو البر فالمملكه ^^
كانو متجمعين بشاير وابوهاا واياد وامه على فرشه وحده يشربون الشاي ويسولفون طول الوقت
واياد يطالع بشاير ويتعمد يسألها ويحرجها قدام ابوها
وهي لو مو ابوها وامه كان اعطته كف من قهرهااا...
ام اياد: ماشاء الله ياابو بشاير عندك بنت زي القمرالله يخليهاا ان شاء لله
ابتسمت بشاير بخجل بينما طالعا اياد بنظره استهزاء
كانت لابسه شورت ابيض مع بلوزه حمراا كمها كت ومزمزمه من جه الصدر لابسه جزمه سبورت مخططه احمر وابيض لابسه اساور بسيطه فيدها وشعرها عاملته ضفيره وحده ولابسه طوق احمر
اما وجهها ماحطت حاجه غير مرطب لشفايفها التوت الي من دون شئ اغراء
اما ابوها كان لابس بنطلون بني وبلوزه بيج ولابس قبعه زي حقت الكشافه
وام اياد اسمها<روز> الي للحين محتفضه بجمالها مع كبرها فالسن لابسه بنطلون ازرق مع بلوزه طويله للفخذ لونها اورنج ولابسه حجاب لونه ازرق
اما اياد لابس بنطلون اسود وبلوزه نيلي عليه جكيت اسود ونظاره سوداا مخلي شعره الي طال لتحت الاذن بشوي على طبيعته
ابو بشاير: والله يا ام اياد اني ماكنت ادري بوجودكم لو دريت كان من زمان جلسنا الجلسه الحلوه دي
ام اياد: الحمدلله زوجي الله يرحمه كان يتمنى ذا الشئ وعلى امل انه ممكن بيوم من الايام تتصلح الامور بينه وبين عمي بس الله اخذ امانته
الكل: الله يرحمه
ابو بشاير: يا ام اياد انا امس كلمت اياد عن سالفه انكم انتي واياد تسكنون معانا ايش قولتي
ام اياد: كلك ذوق بس صعبه لي سنين عايشه ببيتي من مات المرحوم ماني حابه اتركه دحين ..بس بيننا زيارات
ابوبشاير: على راحتكم بس لا تقاطعونا
اياد: انا رايح دحين اتمشى طفشت من الجلسه وفي محل منظر الغروب منه حلو بروح اشوفو "طالع بشاير " ايش رايك تتمشي معايا يا بشاير
طالعته بشاير والشرر يتطاير من عيونها وهو مبتسم بسخريه ماد يده لها ............
ابو بشاير: ايوه يابنتي انتي كمان شكلك مليتي روحي اتمشي وانبسطــي
مع ولد عمك
ام اياد: بس لا تطولو مابقي حاجه على اليل
انحرجت منهم ومن يد اياد الي مادها لها مسكت يده ووقفت وراحو يتمشوو مع بعض لحد ماصارو بعيدين عن ام اياد وابوهااا فلتت يدهاا منه
طالعها وعلى وجهه ابتسامه سخريه
بشاير: انت ايش تبغى مني؟؟
اياد: ولا شئ كل الموضوع اني حاب اتمشى وماابغى امشي لوحدي
بشاير: تدري انك انسان استفزازي ووقح
ضحك بصوت عالي:هههههههههههههههههه ادري وتدرين انك وحده متكبره وساذجه لا وبلهااء كمان
بشايربعصبيه: احترم نفسك مااسمحلك تكلمني كذاا
اياد بتريقه: بالعدال يابنت السلطان لا تواخذينا
بشايرخلاص تعبت منه: يوووووووووووه ما منك امل عديم احساس
اياد:هههههههههههههههههههههههه
سابته ومشيت لوحدهاا فالمنطقه ومن عصبيتها ماصارت تشوف المكان الي رايحه له مشي ومشيت بس ماتبغى تشوفو قدامهاا مرت فتره الدنيا ظلمت وهي للحين تمشي
استوعبت انها فمكان بعيد
وهي اول مره تخرج لحالها لمكان ماتعرفه
وفاليل بدون سيارتها كمان....
المكان ظلمه حست بخوف فضيع صارت تتلفت مافي ولشئ غير الظلام فكل مكان
تمنت انها استحملت مصخره اياد ولا ركضت مذعوره مثل الاطفال
الحين من جد بيقول عنها بلهاء وساذجه ومن حقه يقولهااا
مشيت وهي تحاول تقرب من جه الانوار والشارع الي شكله مرعب اكثر من المكان الي هي واقفه تلفتت مو عارفه ايش تسوي
حست بالدموع بدت تجمع بعيوانها "يعني انا الحين ضايعــــــــــــــــــه"
جلست تمشي تحاول تلقى درب الرجعه
نادت بصوتها كله الي باين عليه الصيحه: بـــــــــــــــــا بـــــــــــــــــــــا بــــــــــــابــــــــــا اهئ
خاله روووووووووووووز اهــــــئ
أيـــــــــــــــــــــــــــــــــــــــــــــاد
يانــــــــــــــــــــــــــــاس
وقفت صراخ وهي تبكي مرعوبه اول مره تنحط فوقف زي ذا ضلت تبكي
وهي تمشي وتنادي: بلييييييييز هيلب مي
اتذكرت القصص الي كانت تقراها عن الحيوانات المفترسه
وقطاع الطرق فالاماكن الي ذي كذا غير قصص الرعب والاشباح
صارت ترتجف وزاد صوت صياحهااا
وهي تتلفت خايفه من كل شئ حولها : بـــــــــابـــــــــا أيـــــــــــــاد انا هنــــــــــــــــــااا
طلعت جوالها من شطنتها حاولت تتصل بس مافي فايده المنطقه شبه مقطوعه مافي ارسال
الجوال مامنه أي فاايده رجعت للشنطه بتأفف
حست بحركه قريبه خافت لايكون حيوان او غريب صارت تركض ماتدري وين تروح
لحد مااصدمت بشئ و طاحت
توقعت تكون صدمت بشجره او حجر لما وقفت على حيلها ودموعها زادت من الالم
كانت حتكمل بس حست بيد تمسكها وتسحبها لقدام
صرخت براسهاااااااا كله:
بــــــــــــــــــــــــــــــابـــــــــــــــا أيــــــــــــــــــــــاد
سمعت صوت الي ماسكها يقول لهاااااا.......................................... ..........
انتهى البارت
المواضيع المتشابهه
العرض الشجري