حنيتك راحت لوين وشفيك ماتشتاق لي

[دانة الكون]

دخلت البيت ورمت نفسها على السرير وحركت خالد الجريئه للحين ببالها
حاولت تبعد هل مقطع من ذاكرتها لكنها موقادره
تلونت خدودها من لحراج وضمت الوساده ودفنت راسها فيها
: طول عمرك غبي .. غبي

ضلت اتردد الكلمه لحين مانامت من تعبها ودخلت عليها امهاا وبتسمت وهي تجوفها بغرفتها تذكرت طفولتها .. كانت اذا تحس بتب تدفن ويها بالوساده وتنام

قربت منها وباست جبينها وغطتها وطلعت

وبعد 3 ساعات من النوم
قامت وهي تدور عليه وتذكرت انها في البيت
انزلتت من الدرج بسرعه وجافت امها وبوها يشربون الشاي ويسالفون

شيخه استحت من نضارت امها وبوها ولمتت شعرها وبربكه
السلام عليكم

الكل : عليكم السلام

قربت منهم وباست راسهم

شيخه وهي للحين وااقفه ومنزله راسها : يبه ممكن توديني بيتي عشان اجهز ملابس لخالد


او شيخه وام شيخه طالعو بعض وبتسمو

ام شيخه ببتسامه : مارح يطير زوجك يايمه وتعالي تقهوي

شيخه بربكه وهي تطالع الساعه : لا انا تأخرت وايد

ابو شيخه نزل فنجانه : من اعيوني يا الغاليه يالله انا انتظرج باالسياره

في بيت خالد




جهزت ملابسه ووعظتهم بشنطه متوسطه الحجم وركبت السياره وهم متوجهين للمستشفى


دخلت مع ابوها غرفه خالد ومتلئ قلبها برعب وهي تجوف شكل خالد لمعصب على الآخر

مسكت يد ابوها وهي تحس بالخوف من خالد بحياتها ماجافته معصب لهل درجه

ابو شيخه : السلام عليكم

خالد وهو يتنفس بقوه ويحاول قد مايقدر يهدي اعصابه : وعليكم السلام

عبدالله الي حس بخالد ويحس انه وده ينعزل عن الناس ويعطي المجال لدموعه باالنسياب : عليكم السلام ..بغيتك يابو شيخه

ابو شيخه ترك يد بنته وطلع مع عبدالله الي خبره بسالفه المحامي الي كان عندهم او بالأحرى سالفه ثامر الي قتل (مرام) وكان سبب في قطع رجل خالد


نرجع لشيخه الي كانت اتطالعه وهي خايفه

قربت منه وفاجئها بكلامه الي خلاها تبكي بقوه لدرجه انه الربو زاد عندها ويها تحول للازرق وتحس انها موقادره تتنفس