الانتظار

[حميد الرشيدي]

[poem=font=",6,green,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
مليت شي اسمه صبر واسمه وقوفٍ وإنتظار=طالت تجاعيد الزمن والسالفه بالسالفه
وش فائدة حلت هزيمه دون حد الانتصار=وش فائدة طاحت نعم والبارحه هي واقفه
كانت بداية واضحه كان الوفاء رمز وشعار=في كل شي وشي كانت مع بعض متكاتفه
ياغربة العمر اللذي فاته من العمر القطار=فاته ولا داعي بعد مافات كلمة اسفه
اغزي السكوت وكنك اللي يطلب من الغير ثار=انسي مخاويف الزمان ولاتهزك عاصفه
ان قلت وان ماقلت ترى الهوى مافيه عار=سكه قديمه ساريه مفعول وانتي عارفه
من مثلي اللي ينتظر عطف السنين اللي قفار = من مثلي اللي يرتجي بل الحلوق الناشفه
وش عاد فاد الحكي دام الحكي وقفه اختصار=وش في يدينا نفعله دام الظروف مصالفه
كل المواقف صارمه والنار مصدرها شرار = ماقدرت فيني وفيك الحب وإلا العاطفه
بالفعل ماباقي صبر قضيت حتى الادخار =ومليت يمكن مع بعض نقدر نحل السالفه[/poem]