السلام عليكم
أسعد الله صباحكم / مساكم بكل خير
س /من أي القبايل أنت ؟
ج//
يا سائلي وش مرجعي بالقبايل
..........إخذ العلوم مكمله بالتفاصيل
شمر هلي يوم العلوم الاوايل
..........وشمر هلي لخفت لليل المقابيل
وشمر هلي وقت الرخا والقوايل
..........وشمر هلي لطب فكري بهاذيل
وشمر يطول الشرح والوقت قايل
..........دوله ودوله ولكل دوله رجاجيل
فخر فخر يعني فخر بالسلايل
..........ولا هو قصورٍ بالرجال المكاميل
أنا أسلمي وكل ربعي أصايل
..........أهل اللحيسه لبغيته تساهيل
أنا أسلمي ومسكني دار حايل
..........بظلال سلمى والفخر بالمعاميل
إعيال عديٍ لبغيت الصمايل
..........يجون للفزعات عندك حما حيل
مامنهم الناقص وربي هوايل
..........شف السما وش زينها بالقناديل
وعيال عديٍ لبغيته جمايل
..........أفضالهم ما تنحصى بالمكاميل
من حاتم الاقصى ليا أدنى العوايل
..........متوارثين الطيب جيلٍ ورى جيل
هذا جواب اللي عقاله تمايل
..........صوب اليمين ومرسله بالمراسيل
الأسلمي............؟؟
المواضيع المتشابهه
الـجـــــواب ...........!! أول مشاركة.....
العرض الشجري