‘,‘,‘ جـــمـــاهــيــر الــقــصــيــد ‘,‘,‘

[المهتوي]

دايم على بالي ولا اقدر أنساك
......................................... وشلون أبنسى من تحبه عيـوني


مليت أكابر واحتضن نار لاماك
....................................... لاراحت أحزاني همومي لفـوني


مابين نسيـانك ومابين ذكراك
...................................... أنـــكــر ودادك..والليـال أنــكروني


أنت الغلا يوم الغلا قلت لك جاك
...................................... وأنت السبب لاشفت ضحكة سنوني


وين المشاعر يوم جتني من أقصاك
....................................... ويـن المـزايا أللي فيـك أعجبوني



تعـــبتني بالصــد بعــــديــن ويــــاك
.......................................... أرحـم دموعن ضايقه في جـفوني


لامن نويت أهجرك وأتعمد أجفـاك
......................................... أذكر جنون الحب وأذكر جنوني


تـدري باني كل ماجـيت أبهـجـاك..؟
......................................... شفت الندم دون القصايد ودونـي



أللي أستفـدته ياحبيبي بفـرقـاك ..؟
........................................ أغلـب جماهير القصيد أعرفـوني


حسـو بأني اعــشقـــك واتحـــراك
........................................ من غير لا أسمعهم ولا يسمعوني


مشيت في دربك ولو كله أشواك
....................................... وضحيت من أجل المحبه وشجوني


يعني عشاني قلت أحبك وأهواك
........................................ تدمي جروح القلب وتفتق طعوني !


ماكنت ناسي لاكن القــلب طراك
....................................... يسئل عن اللي عاش عمره بدوني



معقوله تنساني ومعقوله أنسـاك
...................................... أسئل عيونك وأنا بسئل عيوني