يمكن صلاح الدين يظهـر علينـا

[حاكم المطيري]

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]

.

..

...

الليل طال ومصعب الليل لاطـال= وحنا انتحرا الشمس تظهر علينـا
والبال قامت فيه الأفكـار تجتـال= قامـت توميٍبـه همـوم السنيـنـا
من وقتنا اللي شيبت منه الأطفـال= من وضعنا الحالي ودربٍ مشينـا
مايقبل الذلـه ولا الهـون رجـال =وشلـون بالثنتيـن حنـا رضينـا
تعلمـت هاماتنـا كـيـف الأذلال= واستسلمـت للـذل حتـى انتهينـا
غنوا لنا احفـاد الخنازيـر مـوال= وجينا لهـم مـن ذلنـا وارتمينـا
صرنا حثالة قوم مانشغـل البـال= سنيـن نسقـى ذلنـا ماصحيـنـا
يمـوت ميتنـا ولا همنـا الحـال= حتى البكـا فـي موتتـه مابكينـا
تقرا قصص ارجال وابطال وافعال= ونلقا العجب في كل شـيٍ قرينـا
معقول حنا من صناديـد وابطـال= والا روايـاتٍ رواهــا حديـنـا
والا الكرامة بس في ذيك الأجيال= وحنا على غيـر الكرامـة ربينـا
المسجد الأقصى يبي حرب واقتال= يبـي رجــالٍ للهدف صامليـنـا
ماينفع الأقصى هتافـات واقـوال=ولا فادنا فـي مامضـى ماحكينـا
لو صاح بأعلا الصوت مرده الجال=وكم صيحةٍ في صوتهـا مادرينـا
غير الكلام اللـي نصفـه وينقـال=سـراب قيـضٍ نتبعـه ماارتوينـا
مافيه حـل الا بتعديـل الأحـوال=نقلب موازين الزمـن فـي يدينـا
حنا العرب حنا دوى كل من عـال=اليـا تكاتفنـا اخـذنـا وعطيـنـا
اليا اجتمعنا واعتدل كل مـن مـال=وصرنا يدٍ وحده وفيهـا اعتزينـا
نرجع كما كنا صناديـد وارجـال=نوطا على نـار الغضـى لابغينـا
نوطا على خشوم الخنازير بنعـال=وياما على اكبر راس فيهم وطينـا
وياما هدمنا صومعة كـل دجـال=وياما علـى باقـي اثرهـا بنينـا
وياما لنا في قمـة المجـد منـزال=وياما على روس المعالـي رقينـا
وان كان مامن خير نبقى على آمال=يمكن صلاح الدين يظهـر علينـا

...
..
.[/poem]