.....((ماعاد تلقاني)).....

[عثمان الضبعان]

بسم الله الرحمن الرحيم


اخواني اعضاء منتدى الرائديه


انا توي صدقت المثل اللي يقول


((غلطة الشاطر بعشره))


مااصعب اللحظه التي تخطئ فيها على ((اقرب الناس))


والاصعب من هذا ((اذا هجرك من سبب هذا الغلط))


ولكن وش يفيد بعد فوات الاوان


فحبيت ان اهدي له هذي القصيده .........


[frame="9 80"]ياقلبي تكفى سامحني ترى من فعلتي ندمان
ترى من قلبي اتكلم ولاهو حكي بلســــــاني
طلبتك لا تخليني تجازي قلبــــــي النكــــران
تزوّد فوق همي هم تزوّد فوقـــــه الـــــثاني
تراني عمري ماخنتك ولا فكرت بالنسيــــان
وانا اللي غلطتي سهله ياقلبي ليه تجفانـي
الا ياكبرها طعنه تناسى صاحبك عثمـــــــان
اخافك بكرى تتندم (((تجي ماعاد تلقاني)))
اجامل ناسي واتبسم وانا من داخلي تلفــان
من اسبابك سطاني الهم ولذيذ النوم جافاني
عقب ماكنت انا وياك ولا فكرنا بالحرمـــــان
اشوف اخترتلي الفرقا وكلٍ راح عميـــــاني
عقب ماتنادي الغالي انا مالي بعيونك شــان
وانا والله عقب ماطحت اشوف الموت باعياني
ابيك تنادي باسمي من لسانك انا ولهـــــــان
وانادي قلبك الطيب واقول اسمك من لساني
حبيبي لا تموتّني وتعذبني انا تعبـــــــــــــان
وترى كلمه من لسانك تخلي القلب غرقاني
وابي تعرف ياروحي ان قلبي ماهو بخوان
واني هايم بحبك ولا فكــــــــرت بانســــاني
بعد ماتخطي بحقي تصير انت الذي زعلان
واذا قاصد انا اخطي والله لاقــــــــطع لساني
وانا ادري ماتسامحني وفي عمري انا خسران
وانا ادري بفعلتي هذي انا الغلطان والجاني
اشوفك مقفي ورايح مخليني هنا حـــــيران
طلبتك لا تروح بعْيد وتهجرني وتنسانــــي
حبيبي لاسألوك الناس وقالولك حبيبك هان
طلبتك لاتنزلني امانــــــه قــــــول ماهـــــاني
حبيبي ناقص(ن) حبك وقلبي ناقص التحنان
حبيبي يابعد عمـــري تناديــــني على شاني
انا واثق من اقوالي وواثق مافي مثلي انسان
وراح اثبتلك بصدقي وتشوف ان ربي احياني
وآخر طلبه من قلبي تنادي مسمعي الولهان
اخاف انك تحب ترجع ((تجي ماعاد تلقاني))[/frame]
وسلامتكم


تحياتي
عثمان الضبعان