ابغى حل لهذا الشخص المسكين

[رقم _ واحد]

أهليييييييييييييييييييييييين
وسهلا واحداً بس

كيف حالكم (How old are you?) <<<<<<<<<<<<<<< لمن ثقافتهم إنجليزي
================

هذي المرة راح أحكي لكم عن تجربتي مع شخص الله لا يوريكم شكله
شخص لو تشوفه،،،وووووووووشششش شيييييييييييين
تصاحب عفريت وتعيش معاه طوووول حيااااتك ولاتجلس مع هذا الشخص دقيقة وحدة
هذا الشخص صااار مشهووور عندنا في الحي إنه مرعب (monster) لكنه إنسان طيب وعلى نياته
لكن مشكلته إنه شييييييين

حتى كمان إسمه يررررعب ، اسمه ( ضريحثلغان)
وصرنا نقسم إسمه لجزئين من كثر الصعوبة (ضريح) أي نعش ، و (ثلغان) فسروها كما تشاؤوون
وصار اصحاب المنازل الفخمة والقصور، يضعون اسمه كواجهة لمنازلهم عشان الحرامية لا تسول لهم نفسهم إنهم يقربوا من البيوت.

المهم هذا الشخص صار كابووووووس لكل من يراه، ويوووم من الأيام ، دق جوالي ، والمشكلة إن دقته غرييييبة ومرررررررعبة، ليييش؟
طلع واحد من خويان ضريحثلغان يدق علي، رديت على الجوال(حتى الرقم يخوف ) ، وشخص صوووووته مررررعب (لأنه زميل ضريحثلغان)، قال: الأخ رقم واحد، قلت أخ ولا أخت المهم راح أرخي مع السلااااامة
ودق مرة ثانية، وهذي المرة اتخيلت وجه ضريحثلغاااان قام اغمى علي، وأنا مغمى علي جاني كابوووووس ضريحثلغاااان، قمت صحيت من الرعب، والجوال يدق، قلت لازم أتشجع وأرد عليه

المهم رديت وقال الأخ رقم واحد؟؟ ، قلت إييه لا للأسف أنا رقم واحد صحيح أبد ما عليك حاجة وخر عنه (تخريييف)
قال أنا زميل ضريحثلغان من الدرجة الثالثة، ((أجل كيف الدرجة الثانية أو الأولى أو ضريحثلغان بنفسه))
قلت والنعم بضريحثلغان وخوياه
قال ما عليك زود، المهم ضريحثلغان يبغاك تقاااااابله ضروووووري، قلت لكن انت تعرف إني أخاف من ضريحثلغااان، قال والله ضريحثلغان طيب ومسكييين، قلت ما اختلفنا لكن وش ذنبنا حنا نتعاقب ونشوف وجهه انت تعرف وشلون شكل ضريحثلغاان يا أخي أظن إنه لو مشى لوحده في أي مكان مايخاف لأنه شييين إذا مشى في الغابة الوحوووش تخاف منه ، ولو سافر في الخلا لوحده الشياطين تفر منه، أجل كيف حنا بنو الإنسان <<<حلوة بنو هذي

قال بس هو ضروووري يبغاك تقابله ويدري إنك تخاف منه، عشان كذا أرسلني انا من الدرجة الثالثة، ولو ارسل من الدرجة الثانية كان متأكد إنك ما توافق.
قلت صحيح، بس ممكن ترسلوا واحد من الدرجة رابعة ، لأن صوتك ما يشجع إني أقابلك انت بنفسك، اجل وشلون ضريحثلغان
قال والله ضريحثلغان ما ياكل، قلت صحيح ، لكن في أشياء النفس تشمئز منها، مثلا لو تشم ريحة براز أو غائط الله يكرمك والقارئين، أكيد بتمنع نفسك، مع إن البراز ما ياكل أحد، فما بالك بضريحثلغان ريحتة اعفن من الجيفة تقول إنه مسموح له يتنظف مرة واحدة في العمر، وثيابه لو يلبسها وحش ممكن يحافظ عليها اكثر منه، ووجهه الله لا بيلانا لو يلبس قناع وحووش الرعب الإستوائي ممكن وجهه يكون أحلى من وجهه الحالي، حتى إنهم خصصوا جائزة نوبل للسلام لمن يحاول أن يجعل وجه ضريحثلغان أحلى شوي (بس شوي)، ولاحظ كلمة يحاول يعني مو لازم ينجح أهم شي يحاول، لأن المحاولة مستحيلة ، اتخيل واحد يقعد يناظر في وجه ضريحثلغان كم ساعة عشان يحاول يخليه احلى،،، من جد رععععععب أجل وشلون تبغاني أقابله ، معللييييش أنا ما أقبل أبداً

قال انت أطلب أي شروووط وهو موافق
قلت شرووووط صعبة، أولا : كلكم تلبسون اقنعة عشان لا أموت ثانياً يكلمني عن طريق الرسايل يكتبها وأنا أتكلم بلساني، يعني خليه يجهز كل الكلام اللي يبغى يقوله عشان لايجيني الصمم
قال أبشر بس متى الموعد،،قلت اليوم بعد العشا، ،، قال طيب خلاص اليوم بعد العشا بنقابلك عند المسجد،، قلت لا ما يصلح، المسجد مكان محترم والمفروض إنكم ما تقربوا من هناك ياخي لاتشردوا الموجودين
قال طيب عند الملعب نتقابل،، قلت خلاص أوكي عشان اللي يلعبون كورة يشردوا على المسجد،، ممتاز

وصرت أدعي إنه ما يصير لي مكروه أو أصاب بحالة هستيرية أو أمووووووت

وجا الموعد،، ورحت للملعب حصلت ناس لا بسين أقنعة ،، قلت اكيد هذول الضريحثلغانين،، وقربت وقلت السلام عليكم، ورفعوا شعارات زي حقت المظاهرااات مكتوب عليها وعليكم السلام الله يحييك يا رقم واحد
قلت ما عليكم حرج ولا زود،، تامرون بشي، طبعاً الكلام عن طريق الكتابة هو يكتب وأنا أتكلم

المهم، قال يا رقم واحد أنا أبغى اسألك أسئلة، قلت تفضل،، قال ليش الناس يهربون مني،، قلت أستحي على نفسك يا أخي مين تبغاه يناظر فيك على فكرة ترى وجهك ماله شبيه،، يعني شي خرق الخيال لو تحط وجهك في فلم مرعب خيالي،، راح ياخذ الفلم الأول للرعب بدون منافس عبر السنين، ومو مهم السيناريو والحوار أهم شي وجهك، لأن وجهك موجود فيه كل شي يكفي بدل السيناريو لأن وجهك قصة رعب بحالها، والمفروض يجعلوا الإعدام في الدول الغربية برؤية وجهك، لأنه ماله داعي يموت المجرم وهو مشنوق ،، يكفي يشوف وجهك،،

قال: يعني وجهي مرررررررة بهذا الرعب،، قلت اكيييد ابسألك انت بالله ما تخاف لمن تشوف وجهك، أكيد بتقول أخاف، طيب فما بالك بالناس مساكييين
قال: طيب أنا كرهت حياتي هذي كل النااااس يخااافوووون مني،، قلت من حقهم وش تبغاهم يسووون،،
قال طيب وش الحل بالنسبة لي،، وش أسوي،،، قلت المفروض تجيب حل للناس مو حل لك،،، الناس هم المحتاجين للحل ،، مو انت،، تدري كم عدد الضحايا من رؤية وجهك،،، انت قضيت على البشرية كلهم،،

قال أدري بس لازم احل مشكلتي عشان تنحل مشكلة الناااس،،، وش رايك أسوي عملية تجميل؟؟؟؟
أنا هنا انصدمت بهذه الفكرة،، قلت ابداً ما يصلح ، أي طبيب يقدر يستحمل يشوف وجهك عشان يسوي لك العمليةــ لا لا لا لا فكرة مستحيييلة،، لو كانت سهلة،، كانوا فعلوها من اول عشان جائزة نوبل،، تدري كم مكافأة الجائزة مئة مليار دولاااار، يعني جائزة مهي هينة ومستحيلة، عشان كذا محد أخذها،،،، صرت من الممنوعات في وزارة الإعلام،، أي جريدة في السعودية ممنوع يعرضوا صورتك لأنها ممكن تسبب في مقتل الكثييير من الأشخاص.
قال: طيب أنا وش ذنبي الناس يخافون مني وكأني وحش آكل الناس،، قلت لو إنك وحش تاكل الناس كان أهون،، ممكن الخوف يقل،، لكن انت منت وحش إنت شي جدييييد المفروض يطلعون وصف جديد عشان يصفونك.

قال: يعني أنتحرررر؟؟؟؟
قلت: لا لا لا لا لا لا لا لو تنتحر تصير كاااااااارثة وومكن تقوووم حررررب تدري ليش؟؟؟ لأنه مافي شخص راح يوافق إنه يغسلك او يدفنك، راح تصير كارثة، وما يقدروا يتركوك، لأن ريحتك وانت عاااايش خااااييييسة،، أجل وشلون بعد ما تموووت،، يعني ضرر موتك أكثر من ضررك وانت عايش...

قال: بس أنا طفشت كل النااااس يكرهوني.،، (كسر خاطري هنا) قلت:الناس بالعكس يحبوك،، لكن يخافون منك.
قال: طيب وش اسوي،،، قلت: والله كسرت خاطري بس وش نسوي،،،
قلت بسألك سؤال؟؟؟ انت شفت ابوك وأمك
قال: لا،، أنا أول ما انولدت مات الأطباء حول أمي، وأمي شافتني وأغمى عليها ومافي أحد ينقذها، يعني ماتت وأنا صغير،، وابوي قدر يصبر علي 5 سنين وهو متحملني وجاه مرض بسببي ، ومات بسب حالة نفسية فسرها الأطباء بأن أبي كان معجزة عندما تحمل منظري 5 سنين، وبعدين رموني في غابة من الغابات، وصارت الحيوانات تموت أمامي، اقوم آكلها،، إلى ان كبرت ورجعت لديرتي، و صارت حالتي كما ترى..
قلت : يعني أبوك كان شييين وامك شييينة،،، همممم وش نسوي لك؟؟

قلت ما في حل غير إني أستشييير اصحااااب الرأي عندنا
ورجعت لبيتي بعد ما صرت حززيييين على ضريحثلغان وعلى حالته المنكسرة

وقلت خلني أحط لكم هذا الموضع لعل وعسى إنكم تلاقون حل لهذا المسكييييين بهذه الحالة
يعني لو سمحتم أبغى حلوووووول لهذا الشخص المسكيييين

وشلون يعيش حياته؟؟؟؟

=======
ودمتم سالمين