ابو الحب اللي كذا...

[الدلوعــــــه]

السلام عليكم ورحمة الله وبركاته..

انا قلت اكيد اشتاقولي <<== يلعن يوم قطت الوجه

واكيد اشتاقو لجديدك <<== محد درا عنك

فقلت يابنت لك فتره مانزلتي شي .. <<== تكفين يامحمد عبده

فقلت خلني ادخلهم جو شاعري غجري <<=

توكلنا على الله... والله اكبر <<== فاتحه مشروع الظاهر ماهيب سالفه

في يوم ..مشرق بالليل..ومن صباح هذا المساء... كانت هنااك فتااه مملوحه تدعى (معديه).. وكاانت هذه الفتااه

تتميز بالاناااقه والكشخه منذ حزت ولادتها <<== مالها مثيل بالشرق الاوسط

وكانت هذه الفتاه تتميز منذو نعومة اصابعها ..بأنها خرشه ..مع شيء من الطفاقه..ولايهون الأستدلاخ ..

وكااانت منذوو صغر سنها وكبر جسمهااا لاتعرف للاحترام طاري.. هو على بالهاا ان الاحترام شخص مشهود له

بالطيب منذو العصر الحجري السعودي

حيث انهاا مره قد لزخت ابو جيرانهم عندماا رمت عليهم الكره حيث انها لاعبه مميزه وهي تنافس حاليا حمزه

ادريس ... وفي تلك الاثناااء خانقها ابو الجيران(هاوشها للي مايفهمون فصحى).. وردت عليه بكف جامد غيرت

فيهاا الشنب بعد ماكانت وكأنها رقم ثمانيه اصبحت سبعه.. وقال لها بعد فترت وجيزه جلس يفكر فيها لبرهات

اين الاحتراام.. ردت عليه وقالت شايفني امه..

وفي اليوم العاشر..من شباط الخامس حزيران السابع من عام الف وسبعمية وسبع وثمانون من سبتمبر نوفمبر الجاري..للميلاد قبل الهجرة


في ذلك التاريخ اللي قبل شوي..والله منيب قايله مره ثانيه.. ومن صباح ذلك اليوم.......

ترررررررررررررررررررررررررررررررررررررن = ساعة معديه الخراشه

قامت معديه من فراشه..وبكل أدب اخذت الساعه.. وكسرت بها الجدار اللذي من قوت الضربه سقط الجدارمصاب
بس ابشركم مافي كسور

استيقضت معديه وفتحت الطاقه ( النافذه - الشباك )..وقعدت تتمغط ..وتتمغط...لين تمصعت ..ولكن مازالت تتمغط ..يوم ناظتر تحت ....نسينا نقولكم انه كان فيه ستارة على الطاقه..

فـــــــــــــــــــاصل اعلانـــــــــــــــــــي
عصير بردقان ..ذو الصفطه الذهبيه....تشربه بالشفاط..مايتنثر ولا شي..واذا تنثر على ثوبك...جب ثوبك نغسله

ناظرت تحت وهي تشوف ولد جيرانهم يقاله ( صليفيق).. وكانت لاتطيق ذالك الولد لاطالما راسها ينشق الهواء

وقد ذهبت كعاتدتهاا لتتخانق (تتهاوش) معه.. ومرت على امهااا وهي معصبه وتناديها وهي معطيتها ركبه..
وهي تقولها

معديه .. ياجعل يطيح عليك مكيف صحراوي وجع وش تسوين بالحوش = هذي ام معديه ..جايه تركض

معديه وبكل لطف ردت : اصلا ماعندنا مكيف صحراوي

طبعا ام معديه..مسكت معديه..ووربطت قناصيعها بالمروحه وشغلتها على رقم 5

وكان صليفيق ينتظر كعادته معديه للمهاوشه ولكنهاا لم تخرج ذلك اليوم نظرا لظروف تعلقها بالمروحه

ورجع الا منزله وهو في حاله لايعرف ماهي.. وكان يتراود بينه وبين حاله... مالسبب

هل حس بفقدانها واحبهااا


وكان ابو صليفيق لااايرتاح ولا يهناا له بال لحد ماايعطي صليفيق التكفيخ اليومي ... فمر صليفيق من جنب البيت كعادته ذاااهبا للتسكع بالشوارع ماهوب ناوي يدخل البيت ...فناداه ابوه... صليفيق...وصمخ ...صليفيق وصندوقين صمخ يا السلوقي وش قاعد تسوي

صليفيق: سم يبه هاه وشو نعم وش سويت والله موب انا اللي اخذ موترك وفحط بالشارع اللي ورا وصدم الهندي وفقع كورة جيرنا

طبعا ابو صليفيق..مسك صليفيق وعبر عن مشاعره ..بحيث انه صفقه تصفيقا مبرحا وموجعا


في صباح ..يوم جديد..وبعد ماانتهى ابو صليفيق من تصفيق صليفيق...وطاحت معديه من المروحة..

رائ صليفيق معديه وهي ماااره من الشااارع ورااافعه تلك الصيقااان الفسفوريه وهو يقوول لهااا
معديه وهي تناظره وردت ..عليه ..بنظرة خاطفه..تدل على ..مدى ماتتمتع به من خبث ولعانه ونجاسه لو يفرقونها على فصل اولى ثانوي طاء بمدرسة ابن شفلوت.. بحائل لكفتهم ..

وردت عليه..قائله : كش عليك..يارب تزلق بقوطي صلصه على خشتك..ويمر ددسن محمل رز ..ويدعس خشمك ..انت ووجهك اللي كنه ..دفتر توحيد ابو سبعين

فيه هذه اللحظه..الحاسمه من الهوشه..صليفيق فهم غلط..

وقال بنفسه..ياعمري يامعديه تقول يارب يدعسني ددسن محمل رز بس ؟؟ ياربيييه ماقالت محمل اكياس سمنت (علما ان كيس السمنت اثقل من خيشة الرز بخمسة كيلو ) ياربييييييه ما تحمل..حبتني لا ما اقدر اي كانت اي كانت = يعني ما اقدر بس بالأجليزي


وبلحظات ماكان صليفيق يهوجس..جته بياله مسرعه مره ..ماردها الا خشته ..وانتبه انها معديه..كانت تشرب شاهي...

جاء حس بهول الموقف..وقال لها بيتين شعر ...:

ماكنت ارضى تزعلين ....وانتي بتهديني الزعل ( بعذره والله فالقته ببياله )

محروم عيني شوفتك (الله من النصب ) ........لا تحرميني كلمتك ( يقصد فلقتك )



ردت عليه معديه...وبــــكل ماتحمله من رومانسيه في وجدانها ..قائلة...: اقول انثبر وهات بيالتنا لا اجي اتوطى ببطنك



قال صليفيق : هاه ايه البياله سمي هذاه ( فهم غلط وقال بنفسه..اكيد تبين احط لها رساله بالبياله..بس على مين تلبعها ..وحط لها علك ابو طبعه ..وكانت الطبعه صورة عنز منسدحه )


اخذت معديه البياله ..وقزت العلك ...( وفهمت غلط هي بعد ..وقالت بنفسها..ياربيييه ..شكله حبني..وش دراه ان ابريق الشاهي حقنها فيه شخر..واننا نبي نسده بعلك ) ومير تلتفت عليه ..وتقوله : خذني بقايا جروح ...ارجوك داويني (بهاللحظه صليفيق قال يووه الصيدليه صاكه) صاكه = مسكره

وتقابل الطرفااان وبدااا الشغل الحاسم حيث بدا كل منهما يعبر عن مشاعره

ناظرته معديه بازدراء ( مادري وشي بس مشوها) ..قائله : صلفوقي

رد صليفيق ..وبعد انا اصابته حالة من الذهول..وعم على خشته هالة من السعابيل ..وقال : هاه ياخشم ياصلفوقي

معديه: تصدق اني لاشفتك اتذكر حمزة ادريس يوم يضيع البلنتي ( معديه كانت حاضرة مباراة المنتخب )

صليفيق: ياعمري ياشيخه ...تصدقين اني لا شفتك اتذكر اني ماحليت واجب العلوم ..

معديه..ياربيييه ذبحتني تراك ..براطمك البنفسجيه ماخلتني انام الليل

صليفيق : وانا وش اقول اجل..مع قناصيعك..آه بس ..ياليتني البوكله اللي فوق راسك ..

وبعد فتره وجيزه دامت يومان لم يرو بعضهم فيهااا .. ومااكان من صليفيق الا ان طمر عليهم ببيتهم من الشوق مايدري كيف يعبر عن مشاعره

وهو يطب وفجأه شافته معديه وهي تقول الله ياخذك وش جابك حوشنا

صليفيق: هاه وشو لا جاي اشوف وش اطول نعال ابوكم والا نعال ابونا

معديه : تصدق اني كنت بنقز على بيتكم..بشوف ايهن احلى صحونكم والا صحوننا

صليفيق : معديه بلا نصب..تراي جاي اقولك سر خطير

معديه : وشو صلفوقت عمري

صليفيق ..وبعد ان صابته حالة استدلاخيه دامت ربع ساعه من هول كلمه عمري قال : ما اعتقد ان فيه بالدنيا ملاك....تشبه لزولك تصور مجمعه

معديه ..وهي ضايعه علومها : لا تنصب شغالتنا احلى مني

صليفيق وبكل مايحمله في براطمه من لعانه : هاه وين شغالتكم تنام

معديه : وجع ياشينك انت ووجهك تراي اغير عليك .

وهو يقووول لهاااا احبك يااامعديه احبك بكل ماتقشه هذه الكلمه من معنى

وفجاه طلع ابوو معديه وهو يشوفهم وهو يحط رجله صليفيق وهي تقشه ذيك الكامري الطايره وهو يمووت وتاتي معديه راافعه تلك السيقااااان للعناان وهي تبكي لموووت حبيبهااا وهي تقووول يعني يااحظي يوم لقيت احد يحبني يمووت وجااء ابوها وفلقهااا بمشعااب من هول الموقف وماتت جنبه وانا لله وانا اليه رااجعون.. البقااء لله

الـــــــــنــــــــهـــــــــايـــــــــــــــه