السلام عليكم ورحمة الله وبركاته
اليكم احبتي في الله هذة القصيدة المؤلمة والتي تحكي قصة اخ لنا في الله ضايقه مرض صغيرته والله اعلم ،:
القصيدة:
البارحة ساهر ماغمضت عيني ----- وشلون ابا ارقد وانا عيني شقاويه
لياتذكرت بنتي فرحة سنيني ------ هلت دموعي على الخدين جبريه
بين الدكاتر تصوت لي وتدعيني ----- لبيه ياقلب ابوك اللي طفا ضيه
شالوا ذهبها على زين الفساتيني ----- والثوب الازرق عليها صار ماريه
تلد عين الحزن وتقول وش فيني ------ بابا حبيبي تكلم قول وش فيه
صديت عنها وانا اللي في كافيني ----- في ذمتي يارهف ماهو بيديه
خليتها عندهم واقفيت من حيني ----- من ضيقة الصدر جريت الهجينيه
العين تبكي هو جاسي مخاويني ---- من لامني في رهف مافيه ماويه
والله ماخاليك دام الله مخليني-------- ياشمعة الدار يانور العزيزيه
ما دبر الواحد المعبود مرضيني ------ رضيت في دبرتك ياعالم النيه
منقوله من جهاز جوال
أم عبدالرحمن
المواضيع المتشابهه
العرض الشجري