هذه القصيده قرأتها في أحد أعداد مجلة وضوح واعجبتني
للشاعر ابراهيم الرشود موجهه الى الشاعر نواف حمود الشمري
اتمنى ان تنال اعجابكم القصيدتين
سلّم على نواف الحمود ياصاح
............................ودنّق على خشمه وريّح دليلك
وإن قال : "وإبراهيم .. عساه مرتاح؟"
...........................قله من اللي فيه جيت أشتكي لك
وإقرا على سمعه قصيدي وإذا شاح
.........................اسكت وإذا اتكلمت كلمه .. ياويلك
لنّي أعرف نواف واحد ولمّاح
..........................وان قال ,, صدقني بيشفي غليلك
نواف..يانواف..ياعذب الإفصاح
................................يامروي أكثرك بعذوبة قليلك
ماجيتك إلا بعدما طاح ماطاح
..........................والنفس طابت وأنت عارف خليلك
نواف..واللي مافـ محانيهم أرواح
..............................وش قولتك لو طوّلو يوم ليلك ؟!
تسعة سنين وليلي بدون مصباح
.............................ولاأشفق علي الصبح -الله وكيلك- !
وأغلى عدويني ماخلاّني أرتاح
.................................حتى عقب ماراح عني دخيــلك
أقول له :"وش غايتك تزرع جراح؟"
...............................يقول:"وين يروح لاسال سيلك؟! "
قبل أمس أهوجس به الين العتب ساح
..................................وأقول ياابراهيم ياعزتي لك !
مسلّمه قلبك على شكل مفتاح
..................................وراح وترك بابك مشرّع لويلك
تصدّق إنه ردني مفرق (رماح) ؟
......................................وأنا مغير أعيد ( ياحبني لك )
أغنيّةٍ كأن ... الى شلتها صاح !
.............................ويقول : "أنا أحبك بعدلك وميلك"
الين ماتغير .. وغيّرني .. وراح
.......................وهددت فيه : " إن رحت والله ياويلك!! "
"صدقني ليا رحت مانيب مرتاح
...............................وبأدعي على غيمة عيوني تسيلك !!
ابراهيم الرشود
الرد :
حي القصيد اللي لفا منك واجتاح
........................................ فتـّح مغاليق الكلام لخليلك
قصيدة ٍ تجلا صدا القلب لاباح
................................... هم ٍ تداعاه الحروف وتجي لك
(( لاهنت ياابراهيم ياعذب الافصاح
................................. يامروي اكثرك بعذوبة قليلك ))
اقول ماقلت ومعانيـّي شحاح
.................................. والغيم غيمك والمطر من هميلك
ياصاحبي واللي على خاطرك لاح
.................................... خلا ّ المعاني كلها تنحني لك
لاتشتكي من جرح الاحباب لافاح
..................................... خله يداويه الزمن ويحكي لك
وان طاح من عينك مع احبابك جراح
................................. عن مامضى ياكود تنفض شليلك
هذا الزمن ياصاحبي مابه ارباح
................................. ماعدت تدري وين تلقى حصيلك
الدرب مظلم كله اشباح باشباح
......................................... ماينتميز صاحبك من قبيلك
والله ياابراهيم مانيب نصاح
............................... مير اني اكتم عبرتي واشتكي لك
نواف حمود الشمري
وسلامتكم
المواضيع المتشابهه
العرض الشجري