(( رعـــيــان الـــزمـــن ))..!!

[سامي الشمري]

رائعة من روائع فيصل الطوالة ..!!


[poem=font="Simplified Arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
هذا الزمن كله مصايب ياشمروخ=ولا للمصايب باالزمن غير .. اهلها

واللي يفكر ياالسنافي به ايدوخ=تضيع هقواته وهو ماوصلها

أمر من حنظل .. وأحلى من الخوخ=متخالطٍ مر الليال وعسلها

يابو فهد (( وجه الحيا )) صار .. مشروخ=مافيه ذمّه ماتصدع جبلها..!!

الستر .. وين الستر ..؟ والكل مصلوخ=ناسٍ تبرى ثيابها من عملها..!!

بعض البشر من (( لعنة إبليس )) ممسوخ=شرّه على الطينه يزوّد بللها

وبعض البشر راسه (( من الكبر )) منفوخ=وهو عزك الله (( جزمةٍ )) تنتعلها

يفداك (( ميت القلب )) أُبو قلب مفضوخ=اللي يشوف النايفه مانزلها

يكفي رفيقٍ مثل شرواك .. مطنوخ=نفسه على الطولات يرزم فحلها

والا القصيد اللي (( من الزيف )) منسوخ=زاد إعوجاج احوالنا ..ماعدلها..!!

بعض الحكي لو هو (( منمّق )) ومطبوخ=ماسد جوع اللي ذبحها محلها

ماساكن الفلّه مثل ساكن الكوخ=واللي يغصّ بلقمته مااكلها..!!

ودنياك هذي ناسها .. ناسٍ ادلوخ=روسٍ تدربى من جهلها .. لجهلها

هذي (( حرار المرجله )) كلها فروخ=مثل الحمام اللي سكنها دحلها..

ماخلّفوا (( لبّاسة الشال والجوخ ))=الا (( البنات )) اللي تبارق احللها..!!

ومدام (( رعيان الزمن )) صارت .. اشيوخ=خل الشيوخ اليوم ترعى هملها..!! [/poem]


فيصل الطوالة