قصيدة مفعمه بالحكم ... متشبعه بالحقيقة
للشاعر خلف المشعـــــــــــــــــان اليكم القصيدة :
ان كنت تنشد يا ....... عن الحـــــــال
مالي على ... كتمانها عنك حيـــــــله
الصبر عن بوح الاحاسيس قتــــــــــال
والبوح في بعض المواقف فشيـــــــــله
لو كل مايطري على البال ينقــــــــــال
ماكان شفت ان الثقيله ..... ثقيــــــــــله
ابطيت اكافح ضيقة البال بالبــــــــــــال
وادفع بلا .... هاجوسها كل ليـــــــــــــله
لين اقبلت مثل السحابه بهمــــــــــــــــال
تشفي غليل اللي ... تزايد غليــــــــــــــله
طاحت ولأوفق من حناياك منــــــــــــــــزال
وابطلبك يابدر ( تكمي ) المخيــــــــــــــــــله
ان قيل ترعد قلهم صوت زلــــــــــــــــزال
وان قيل تبرق شف لها ادناة حيـــــــــــــــــله
مابي تناقلها هل القيل والقــــــــــــــــــــال
وتصير من بعد القصيره طويــــــــــــــــــــــــله
يابدر ماني عال لو صحتي عــــــــــــــــــال
شفني من الصدمات نفسي عليــــــــــــــــــــــله
اشيل حمل...... لو يشيلنه جبــــــــــــــــــــال
الله وامانه ...... غير تصبح نثـــــــــــــــــــــــيله
ارمي من هموم الزمن واسحب ادبــــــــــال
وانزل عن ( الجوكر ) وغيري يشـــــــــــــــــــــيله
من كثر ماشفت بحياتي من انـــــــــــــذال
بديت اشك ان النذاله ... فضيــــــــــــــــــــــــــــــــله
ما طاح من عيني رجل , طاحوا ارجـــال
وارجال ( يابن حنيف ) ماهي قليـــــــــــــــــــــــــــله
اقرب من اللي قالهم ضمن ما قـــــــــــال
راكان بن حثلين راعي الجزيـــــــــــــــــــــــــــــــله
( هذا ولد عم.... وهذا ولد خــــــــــــــــــال
وهذا رفيـــق ... مالقينا بديـــــــــــــــــــــــــــــــــــــله )
سبحان منهو ... يا بدر بدل الحــــــــــــال
وحط الجفا... بين الخليل و ... خليـــــــــــــــــله
هذا الزمن يبغاله لســــــــــــــــان دلال
من يستحي هالوقت ... واعزتــــــــــــــــــي له
وقت به ( الراعي ) غدى راعـــي دلال
كل على طاريه ... ينفض شليــــــــــــــــــله !!
ومن كان ساسه للردى مضرب امثال
اليوم يحسب ... من كبار القبيـــــــــــــله !!
المال يابن حنيف... ملعون ابو المــال
ذل العزيز .. وعز .. ناس ذليـــــــــــله ..!!
سلااااااااااااااااااام
المواضيع المتشابهه
العرض الشجري