جديده لم تنشر بالمنتديات (أنت بزمن ذل)

[دمعة المقهووور]

( بــســم الــلــه الــرحــمــن الــرحــيــم )

أود أن أنشر هذه القصيده لزميلي الشاعر : (أحمد مطر الزياد)

ولم يسبق له بنشر قصائده في المنتديات الأخرى لانه كان رافض هالفكره.....



وهذي القصيده موضوعها (أنت بزمن ذل )
أتمنى من الله أنها تحوز على أعجابكم


تـــــقـــــول القـــــصـــــيـــــده :


ألحقت نفسي بها والنفس أمآره ولا يملي العين كود (تراب) خالقها

ياليت صفارة الإ نـــذار وأنــــذاره صاحت قبل نفسنا بالذنب نغرقها

يغرنا قولنا للـذنـــــب كـــفـــــاره ونجيب هذي على هذي ونـلــحـقـها

يا(صالح)البارحه شاعرك وأشعاره ثارو وثارت ولا ترحم حرايقهـــا

نارية صادقه والخوف من نــاره والناس لو تصطنع تظهر حقايقها

والعاقل اللي لا شاف الناس هذاره يركد وكلمته يحسبها وينطقهـــا

(وإن قالوا الحر يفهم رهن الإشاره بقول الأطرم بعد يفهم بها وسقها)

وإن جاءالخطاء من كبير أسمه أبو كباره سلم على القوم وأدع الله يوفقها

يسامح المخطي ليا قنعك بــاعذاره ويقعد بها كان حرفهٌا ولـفــقــهٌــا

وإليا أبتليت بغشيم وعربجي حاره وغترته بكتفه الأيسر معلقهــــــا

خله وخل الرجال الي طفت نـــاره وخل الشجاعه وراك اليوم وفهقها

(أنت بزمن ذل هذي أصدق عباره والناس ياليتها تحرق بنادقهــــــا))

عشنا وشفنا وكلن بالش بعــــاره وصرنا ضحوكة مغاربها ومشرقها

نعادي إخواننا من تاره لتــــــــاره وعدواننا من جبانـتـنـا نعانقهـــــــا

يا ذلنا وياخساره تنطح إخســــاره معقول حنا عرب..ماني مصدقهــا!!

ضماير ميته وشعوب منهــــــاره وقلوب منكويه والخوف زارقهـــــــا

متناقضينن وكلن معه مزمــــاره وناسن تنافق ولايعُرف منافقهــــــــا

ياجور الأيـــــام والأيـــــام دواره وسياسة الأجنبي نعرف حقايقهـــــــا

أحرق بـبغداد لأجل تخوف الجاره ولبنان من شان حزب الله تحرقهـــــا

لكن السوق تلعب فيه تجــــــاره اللي بباريس معروفه فنادقهـــــــــــــا

ورجع وكر الكلام وأصدق إعباره الناس ياليتها تحرق بنادقهـــــــــــــــا

للشـــــاعــــر : ( أحمد مطر الزياد )

أتمنى من الله أنها حازت على أعجابكم..................

ووووووووووودمتم بخيـــــــــــر........................