( ودعت حايل وكل أرض ٍ شماليه ) .. قصيدة صوتيه // بدر الضبعان

[الونيس]

اقتباس ودعت حايـل وكـل أرض ٍ شماليـه مستقبلـي حدّنـي عنهـا ومشّانـي ودعـت حايـل شماليـه وقبلـيـه ودعت( شمر )( بعدحيـي) وحيانـي (أرض الجبل)والله انه ماخلـق زيّـه والله مامثلهـا يانـاس شـي ثانـي ماهزني غيـر دمـع ٍيطـري الجيّـه (أمي)و(أبوي)و(دموع أهلي)و(خلاّني) أشتقت ل(أمي)أشوفه كـل عصريّـه بالباب تاقف تحرّى رجعـة أخوانـي أشتقـت لـدْلال ( أبـوي)الله ياهيّـه (ابو بدر) مزبن المضيـوم والعانـي أشتقت(لخوانـي الخمس)الشقرديّـه أشتقـت لعيـال حارتنـا وجيرانـي أشتقت (لجبال حايـل) كـل فجريّـه من قبل لايصـدح المـذّن بالآذانـي والله يـا أرض حايـل كـل شتويّـه تسوى ربيع الجزاير وأرض لبنانـي الله ياهمـي كنّـه جـمـرة ٍحـيّـه أخفي دموعي.وحر الشـوق بكّانـي يادار حاتم ترى لـو طالـت الجيّـه والله لرجع وانـا مشتـاق ولهانـي ودعت حايل..وكـل أرض ٍ شماليّـه لكن أبرجع لهـا لوعمـري أمدانـي

صح لسانك يابدر وذكرتني بأيام الطفوله انا واخوي عادل

أيام الاجفر وأيام جبه بعد وخاصة شعيب ( شوط )

الف شكر على هالقصيده اللتي قلبت مواجع وذكريات قديمه

لاهنت .. لاهنت .. لاهنت ... يالذيب

عادل مشينا بس بلا دوام بلا بطيخ

الشاعر / بدر الضبعان ياحظ الرائديه فيك

سلااااااااااااااااااااااااام