وقت الاهوال

[عزوز الشهري]

[poem=font="Simplified Arabic,5,white,normal,normal" bkcolor="black" bkimage="" border="double,6,black" type=2 line=0 align=center use=ex num="0,black"]
صدري تعب وانهار من زود ماشال
هذا وانا توي صغير وتعلمت
عرفت بن الوقت من جال لا جال
مايرحمك حتى ولو انك اسلمت
دريت بن الرجل في وقت الاهوال
ينهز ودمعه يجري بلحظة الصمت
وعرفت مهما صار في كل الاحوال
ابقى شجاعن حتى لوي تألمت
مير البلا لاصرت فالوقت تمثال
وخانك خويك وانته بخوته عمت
خويك سنينن مع شهور وليال
اسهم معك وانته بخوته اسهمت
فجأه يخونك ثمن يقول (عذال)
لاتصدق الهرجه تراني تشائمت
ويقول خل الهرج هذا يارجال
ياما من هروج البشر قد تهدمت
مايعترف ويقول اسف على الحال
يواصل الجحده ولوك تألمت
دنيا غريبه والسواليف غربال
دنيا عجيبه وللعجايب تفهمت
ايقنت بن الوقت هذا تمهال
ويا ما مع الاشكال فعلا تواهمت
واجزمت بن الوقت وان كان قد مال
مالك وسيله غير تكثر من الصمت[/poem]