بسم الله الرحمن الرحيم
يمكن اكثركم يا شباب لاحظ المواضيع اللي تبدا بــ(اعرف شخصيتك)
وبصراحه يا شباب المواضيع هذي احس انها كثرت والعالم قاموا ياخذونها على محمل الجد
وهي للاسف مواضيع غير هادفه وبالعكس يمكن لها جوانب سلبيه لانها (حسب رايي الشخصي ) شكل من اشكال التنجيم
يعني بالله عليكم رجال طول وعرض ما شاء الله ممكن نعرف شخصيته على شانه بس يحب ياكل التفاح او الموز او على شان ان اسمه فيه بعض الحروف اللي تدل على شي معين ؟؟!!
او يجيك واحد يكتب موضوع ويقول للناس : اذا تحب التفاح هذا دليل على انك رجال راعي مشاكل وصمله وقت النكبات لان نفسيتك تشبه التفاحه.. منتفخه وحمرا
لكن اذا انت تحب التفاح الاخضر هذا يعني انك واحد راعي مشاكل لكن لا جا وقت النكبات اطلقت ساقيك للريح ( يعني منت صامل )
ولا الثاني اللي يقول : اذا انت تحب الموز هذا دليل انك شخص كسول وعندك مشكله بظهرك لان الموز لونه اصفر ومحدب (مع احترامي الشديد للنصراويه )
ولا اللي يقول : اذا انت تحب البرشومي (مادري هو فاكهه ولا خضره ) هذا دليل على انك رجال تحب تقضي الصيف في ابها
ويقول بعد عن اللي يحب الرمان: انه شخص معقد لكن ماهو بسهل لان الرمان تبلش به ما تدري شلون تاكله من كثر الحب اللي فيه
يالربع ... لا احد يواخذني (يؤاخذني ) . كان هذا مجرد رأي ولا اقصد فيه احد وبالنسبه للموضوع اللي وضعته في القسم هذا كان موضوع للتسليه وانا في موضوعي هذا قصدت المواضيع الجاده واللي ماخذينها مثل التنجيم بحيث انه بدال لا تذكر له برجك تذكر له فاكهه او اسمك ويقولك عن شخصيتك
اتمنى من الجميع يشاركوني برأيهم ........ وشكرا
المواضيع المتشابهه
العرض الشجري