أقــوووولـهـا،،،واللي عــقـد رووووس الــحــبــال يـحـلّـها،،،

[عواد العنزي]

أقــولـها..واللي عــقـد رووووس الـحـبال يـحـلّـهـا...

تقبلوها مع كل الحب..

[poem=font="Simplified Arabic,5,darkred,bold,normal" bkcolor="transparent" bkimage="http://www.alraidiah.com/vb/images/toolbox/backgrounds/17.gif" border="double,5,darkred" type=2 line=0 align=center use=ex num="0,black"]
أناكذا ياصاحبي... الصدق دايم مشهره = والناس هذي ماتبي ....الا من يجاملّها

ماني بشيطانٍ خرس ...والحق لازم أذكره = أيه أذكره... واللي عقد روس الحبال يحلّها

وترى الكذوب لياحكى... تلقى كلامه فشخره = يسرد عليك ولايمل...حتى لوأنت تملّها

والسالفه لاقالها...لازم تجيك مبهره = ولامن قضا تبهيرها...في وسط راسك سلّها

كلام كله مسخره..في مسخره..في مسخره = وإن كان تبغى تستريح...ياصاحبي شكلّها

أما أنا ياصاحبي...ماحب كثرالثرثره = والسالفه.. لاجت غلط...ماضنتي أمهلّها

أنا قبل مانطق خطأ...فمي لزوم آسكره = واقطع لساني لونوى...في كلمةٍ يزلّها

بس الصراحه للأسف!!!في هالزمن مستنكره = وأهل الصحيح بهالزمن...مع الأسف ياقلّها

كلٍ يطبل للكذوب...يكذب وكلٍ يشكره = يعني إذا تبغى تعيش...ياصاحبي طبلّها

لاتلومني ياصاحبي...دنياك هذي مدبره = واللي بقلبي خلّها...تكفى طلبتك خلّها

ملّيت من دنيابها...كل البشر متغيره = والصدق أشوفه إنتهى...والكذب قام يفلّها

الحزن في قلبي كبير...والهم والله مكبره = لوجيت أوزع للبشر...غطا البشر ذي كلّها

الهم يسهرني وأنا...في كل ليلة أسهره = وأحتارت الدمعه تسيل...أو تنثبر بمحلّها

وختامها ياصاحبي...أحمد لربي واشكره = ولغير ربي مانويت...نفسي أبد أذلّها

طبعي كذا ياصاحبي...طبعي كذا ماغيره = أقولها..واللي عقد روس الحبال يحلّها[/poem]