.. واحده مدرسه تنتظر زوجها يجي ياخذها بعد الدوام. مسكينه انتظرت نص ساعه في الحر. وصل زوجها وإلا أبوها ياخذها. ركبت معاه ومشوا. وصلوا عند وحده من الأشارات. وهي واقفه عند الإشارة وتطالع على يمينها تشوف هذيك البنت الصغيرة اللي في سنها اللي راكبه ذاك الشبح تحرك شفافيها تردد كلام الأغاني اللي طالعه من مسجل الشبح العالي ولابسه نظاره شمسية وحاطه المكياج والشيله على الكتف وإلا مافي شيله أصلاً. وش بتقول هذي المدرسه لنفسها؟؟ تقول اللـــــــه لو أني أسوق سيارة مكيفه أخرج من الدوام مباشرة ما أنتظر أحد وأصل للبيت بدري أطبخ الغداء لزوجي الحبيب قبل ما يجي من الدوام. طبعاً تحاول تأثر وتقنع زوجها الطيب بهذه الفكرة وتنجح في ذلك لأنها تعرف كيف تخليه يوافق على أي شي تبغاه بحيلها اللطيفه. يقوم الزوج يدور واسطه وبالفعل ينجح في الحصول على تصريح لقيادة زوجته. وبالبفعل تتعلم هي السواقه وتروح وتجي من الدوام بسرعه وتزبط الغداء له قبل ما يجي. ينبسط الزوج وتفرح هيه وتحلوا حياتهم. بعد أسبوع وهي جايه من الدوام تذكرت أن مافيه طماطم. راحت تشتري وفي نفس الوقت اشترت الأغراض الباقيه وراحت البيت وسوت الغداء. "ياسلام عليك يانورة" يقول لها زوجها (اسمها الافتراضي نوره). اذن نوره صارت تروح وتجي من الدوام وتروح تشتري مقاضي البيت لحالها. وتطور الحال وصارت تروح السوق لحالها لأن الزوج ما هو فاضي. وتطور الحال وتعرفت على بنات في السوق. وصارت تروح لهم ويجونها. البنات خربانات شوي.. وقدروا يأثرون عليها حتى سارت إذا خرجت من البيت تخلع نقابها. ليش تخلع النقاب؟؟ قالوا لها بالله عليك كيف تسوقين بالنقاب؟؟ ما يأذيك إذا جيتي تعشقين السيارة وإلا تناظرين في المرايه وإلا تلفين وجهك بسرعه؟؟ تقول لهم "والله إنكم صادقين" .. أنا بأشيل النقاب وأحط بس شيله على شعري وأكشف وجهي لأن هذا يسمونه حجاب في مصر وإلا الكويت وإلا سوريا.." .
راح الحجاب يا عيني... وبعدين يبدأ مسلسل التنازلات. يقولون لها صاحباتها "نورة.. بالله عليك ماتضايقك تنورتك الطويله إذا جيتي تحطين رجلك على الكلتش وإلا الفرامل؟؟ يا شيخه إلبسي بنطلون وبس. نوره تسوي زيهم طبعاً. المره الجايه.."نوره...يقولون البنطلون هو سبب حوادث الحريم.. ياشيخه إلبسي تنوره قصيره فوق الركبه عشان تتحرر رجولك وتقدرين تتحركين بسهوله.."
...
وش بقى لنسائنا من العفاف والحشمه والإسلام؟؟
نوره هذي كانت مدرسه طيبه محافظه على زوجها وبيتها وحجابها... وألحين..؟
..
هذا التحول اللي بيحصل في وطننا لو سمحوا للمرأة بالقيادة. طبعاً هذا الكلام عن نوره المدرسه اللي كانت تلبس حجاب.. بالله عليك وش بيصير للبنات اللي نشوفهم اليوم مع السواقين لا حجاب ولا شيله ولا شي ويطاردون الشباب بعد؟؟؟...
...
طبعاً هذا الكلام غريب على الأخوه الخليجيين والمصاريه وغيرهم لأنهم من يوم ولدوا وأهلم يسوقون فما في أي مشكله عندهم.. لكن عندنا بتصير كارثة والله.
........
أنا أقول مانتمنى بناتنا يصيرون نورة وأكثر من نوره. أحد يتمنى؟؟؟..
ياأخي حركوا الغيرة اللي في قلوبكم.. إنسى الإسلام شويه.. ماعندك غيره؟؟ ياإبن بلدي؟؟
....
كل من أيد قيادة النساء من أهل وطننا فهو واحد من ثلاثة: ياأنه علماني خبيث .. يا طيب وأهبل يمر عليه مقلب العلمانيين وخططهم.. ياأنسان ماعنده غيره.. اسف لكن لا أسف.
الموضوع منقول
العرض الشجري