[glow=FFFF00][align=center]أول مقابلة بعد عقد القِران
العريس خالد والعروس نوف في منزل والد نوف
خالد : مبروك يا نوف ، وأخيرا تحقق حلمنا طول عمرنا
نوف : ما ترد عليه .. مستحية ...... على أن لسانها أطول من شعرها
خالد : باقي على زواجنا 28 يوم و8 ساعات و30 دقيقة و14 ثانية
نوف : كنها 28 سنة مو يوم
خالد : تصدقين إني أحس أن اليوم أول يوم لي في الحياة
نوف : بسم الله عليك .. أنت الدنيا وكل شجوني
صباحية ثالث يوم .. جناح في فندق هيلتون بالقاهرة الساعة 11 صباحاً
.. خالد يطلب اثنين قهوة بعد الفطور
.. خالد : تفضلي يا عمري أحلى قهوة لأحلى عروس
نوف : يوووووه يا خالد لا تخجلني بكلامك ترى والله استحي
خالد : إذا ما دلعتك أدلع مين يا أمي وأبوي أنتي
نوف : الله لا يخليني منك يا بعد أهلي
بعد شهر وأول يوم لدوام خالد وكلية نوف
نوف : خاااالد قوووم يالله بتتأخر على العمل وبتأخر أنا على الكلية
خالد : لحظة يا ماما أنوووم شوي بس
نوف تجهز القهوة لخالد وهو على السرير
نوف : حبيبي خاااالد يالله اشرب قهوتك طيب
خالد : وينك من زمان يا نوف .. أمي وهي أمي ما تجيب لي مويه إلا إذا غصيت بس
بعد 5 شهور وفي صباح أحد الأيام
نوف : قم خويلد بتأخر على الكلية .. هذا السهر والإستراحات الله يقطعها
خالد : فارقي عن وجهي .. الله أكبر يا الدكتوراه تنتظرك
نوف : أوووف .. كل يوم متأخرة أنت ما تحس أنت وشو
خالد : أنا غبي إني تزوجت .. يا زين العزوبية
نوف : ولا أنا كني بموت عليك عاد .. إحمد ربك إني وافقت أتزوجك
خالد : إلا أنتي اللي إحمدي ربك لقيتي سواق وبنك يلبي طلباتك
وبعد مرور شهور أو قد تكون سنين
فارس الأحلام .. يصبح ثور حقيقي
فتاة الأحلام .. تصبح .. عنزه مملة
زوج وزوجة .. سواق وشغاله
الحب والرومانسية .. زعل وتطنيش ونفس شينة
المجاملات .. تجريح وتهزيء
الخميس والجمعة .. هو في الإستراحة وهي عند أهلها
وتسير الحياة والأم تشتكي لأطفالها ، والزوج مصيره الإستراحات أو السفر[/align][/glow]
المواضيع المتشابهه
العرض الشجري