بددوا اموالكم يا هل الترف
اصرفوها بكل انواع الفجور
ولا تصدقون اللي يقول
ترا الدنيا تدور
اصرفوها كلها
على مغني
على راقصة
او لاعب محترف
لا يهمكم
دام ما جبتوها بشرف
ياهل الترف
ودام كل شي تبونه
تحصلونه
بخشم الريال
عايشين برخاء
وراحة بال
وبوضع مختلف
ياهل الترف
ما فكرتوا باللي هناك
بالركن المظلم من العالم
ناس من كثر الفقر
تبكى ما تنزل دموع
كل همهم في الدنيا
يلقون الطعام
واذا مر اسبوع
وما لقوا
يموتون بجوع
وهناك بنفس الركن المظلم
اب .. يبيع اولاده
لانه مايقدر يعيشهم
وام تبيع كلاها
لاجل عيالها تدرسهم
وطفل يلمع نعال
وطفلة تشحذ ريال
وشاب انحرف
وشابه من كثر الحاجه
وقله الحيلة
باعت حتى الشرف
مع الاسف
ياهل الترف
بكرا لكم يوم
بتسالون عن هالمال
وين انصرف
وحينها ماينفعكم
لا مغني
ولا راقصة
ولا لاعب محترف
ياهل الترف
حينها بس
بتعرفون
ان كل هالدنيا
قرف
العرض الشجري