تراني كنت متوقع تصـدق هـرج خلـق الله
................................. ولكن مـا توقعتـك تسولـف بـي لعذالـك!!
تبي تنساني؟ إنساني.. فداك اللي مضـى كلـه
................................. يجوز أحيا من فراقك مدامي ميِت بوصالـك!!
ترى ما يجحد الواقع سوى خـلٍ نسـى خلـه
................................. مثل ما تجحد عيوني حنيـنٍ حيـل يظمالـك
مع أني عارف ما أحدٍ يـداوي غيـرك العلـه
................................. أسج بحالي لحالي لجل مـا ينبـري حالـك!!
وأكابر من خطا نفسي وأزيـد الجـرح وأبلـه
................................. وأتحاول في عبث مضحك أدور غير همالـك
حبيبي حتى لو زولي من غيابـك فقـد ظلـه
................................. كفاية شمسك اليا اليوم تنسج حولـي ظلالـك
تبيني اعتذر؟ (آسف)، ولكن وش هي الزلة؟؟
................................. تبيني أجرحك؟ حاضر.. أنا همك وغربالـك
مدام أني سبب دمـع حزيـن ناظـرك هلـه
................................. فعساني يا بعد عيني اجل ما اطري على بالك!!
وإذا قالوا لك إن قلبي من فراقك نـزف غلـه
................................. قل إن: مابه بلى عسـى درب السعـد فالـك
وأنـا والله وثـم والله وثـم والله وثــم والله
................................. لـ أسوي ما تبي من شان بس تحقـق آمالـك
ولكن قبل ما تبعد وتنسـى مـا مضـى كلـه
................................. أمانه بس علمني وش اللـي غيـر أحوالـك!!
المواضيع المتشابهه
العرض الشجري