تعالوا كلكم وبسرعه .../مدلول

[مدلول]

هلا فيكم ويامرحبا 00 أبشركم سهود ومهود 00 يعني ما هنى إلا الخير ، بس اليوم صحيت من الصبح وعقب ما جابت لي ( ماما ) الحليب وذاك الخبز الحار ... خبز التنور وتناولت البرك فاست حقي ، رجعت ونمت 0

بس خلااااص حبيت أعلمكم لأني أحبكم كلكم ،

تدروون تعالوا السالفة ما بدت لياهلحين 00 السالفة سلمني وسلمكم الله هي الآتي :

إيه قرررربوا عشان تسمعووون زين 00إيييه كذا 00 وبالنسبة للبنيات اللي يبن يسمعن السالفة ركبنا لهن سماعة برفّتهن ( واللي ما تعرف الرُفّة أعلمه أنا 00 الرفة هي قسم الحريم ببيت الشعر ) اللي ببيوت الحضر يسمونه صالة والمصريين الظاهر يسمونه ( أوضة المسافرين ) عموما بعد الصلاة على النبي صلى الله عليه وسلم أبدا لكم بالسالفة :

هذا طال عمري وعمركم بطاعة الرحمن نسمع كثير من الناس يقولون ( كله حصانين متقطعة أذنابه ) ( وهي جمع حصني ويدلع أحيانا بأبو حصين أو أبو علي بس لا تسألوني ليش لأني ماعرف السبب والحصني = ثعلب والثعلب = ابن آوى وابن آوى = خلاص يكفي ما يساوي شي0
المهم سبب هالمثل اللي هو (كله حصانين متقطعة أذنابه )
ما يروى من أن الثعلب ضحك على الذئب يوما- ما -عندما كانت الحيوانات تتكلم ( إيه كانت تكلم شكلكم ما انتم مصدقين !! بس معذورين كنتم صغار ذاك الحين 00 يمكن ما لحق عليهن وسمع سوالفهن غير ابو جيلان )
اشتكى الذيب للحصني من شدة البرد فقاله الحصني الأمر هين ياذويبان أنا اللي أدفيك 00 استانس الذيب وقال تكفى يا أبو مطاوط افزعلي تكفى ( عاد أنا ما أدري هو حب راس الحصني أو لااا بس يمكن ابو جيلان يعرف لأنه كان موجود :p)
إيه نسيت أقول لكم مطاوط هذا ولد الحصني وبالتالي أكيد إن المدام حقّت الحصني تسمى أم مطاوط
قال الحصني أبشرررر بسعدك يا ذويبان بس جبلي خروف آآآكله ومن جلده أسوي لك فروة 00 قال الذيب الأمر هين هالحين أغزي على حدا هالحضر المتبدوين وأجيبه لك !
الحصني اندهش وقال وشلون حضر ومتبدوين ؟؟
قال الذيب إيه هذا سلمك الله يا ابو مطاوط فيه حضر يشرون غنم أو بعارين ويحطونهن بشبك بطرف الديرة !
ولأنهم ما يقومون إلا الضحى الكبيرررر ( والظاهر هاللي بجنبك منهم ! ) أرثعبهم وآخذ الخروف اللي أبي وأجيبه لك 00

قال ابو مطاوط: ما لك لوى ! أنا ما آآآكل إلا خروووف بري :p !! لأن التختور
مانعن من أكل الربيطة !
قال الذيب أخس أخس يا أبو مطاوط والله مانت هيّن !! تدري أبشرررر
وبثواني وذويبان( دلع ذيب ) جايب الخرووف 00
قال سم يا أبو مطاوط استلم خرووفك 00 قال أبو مطاوط وعدوك يسم يا ذويبان ( عاد للأمانة أنا ماسمعته يوم قال عدوك يسم 00 بس اللي يبي يتأكد هو قاله والا لا ينشد 000عليكم نووور ينشد ابو جيلان لأنه كان حاظر 00
ثم أردف قائلا ( حلوة أردف قائلا 00) وقال أبو مطاوط تعال بعد أسبوع تلقى فروتك جاهزة يا ذويبان 00
قال الذيب تكفا ما يحصل تقدم الموووعد شوي ! ما رد عليه الحصني ودخل بجحره وفل الحجاج مع مطاوط وأمه المشوي مشوي00 والحميس حميس 00والعشا كبسة هالعنبر اللي حباته تعدهن وحده وحده تقل شعيرية ومن طولهن يمكن تعكَّز عليهن من ايدي أم مطاوط ( ما هي مثل طبخات بعض الناس اللي يحطون كتاب الشف رمزي قدامهم ويبدون يحوسون )
ما صدق الذيب تنتهي المدة إلا وهو جاي ينشد عن الفروة 00 انتظر عند جحر الحصني لياما طلع وقال هاه يا أبو مطاوط وين فروتي 00 طبعا أبو مطاوط ماهو مصمم أزياء ولا يعرف يصمم مثل ( عدنان أكبر ) لكن اللي حدّه على ذلك هو إنه كان مشتهي يا كل لحمة هو والمدام ووليدهم الصغيرووون مطاوط ( على فكرة مطاوط سبحان اللي خالقه كله ملح ، واللي ماهو مصدق ينشد ميييين 00؟؟؟ عفيه عليكم )
قال الحصني اسمع يا ذويبان ما أخفي عليك جلد الخروووف اللي جبته ما كفّى با قي ردون الفروة 00
قال الذيب مايخالف هات (المطشيّة ) لوهي بليا ردون !!
عاد هذا اللي ما توقعه أبو مطاوط أبد !؟
المهم هز راسه الحصني وقال : يا حيف والله يا ذويبان ما توقعته منك !
قال الذيب : ليه يا شين !؟أنا وش قلت ؟!
قال الحصني أنا بلاي إنك مل قلت شي ؟!
لكن إنت ناوي تخرب سمعتي عند العملا والزباين !؟
وبهالطريقة يروحون يم (خياط الافتخار) !؟ ما عليكم خياط الافتخار خياط بالخفجي

قال الذيب آهاااا والله إنك صاتس 00 هذي غابت عني ؟! أيم سوري يا مستر فوكس 00 وحقك علي !! هالحين أزرق ( كني سمعت أحد قراه أزْرَق إيه لا عشتوا 00أزرق بتسكين الزاي وكسر الراء 00 يعني أروح وأروح يعني أذهب بالفصحى )وش المطلوب هالحين ؟
قال الحصني المطلوب تجيب لك خرفوون صغيرووون يكون بري 0
قال الذيب بالحال يا عمي الشيخ أبو مطاوط ! ( الظاهر هالذيب يتابع المسلسلات البدوية الأردنية )
وفعلا ما هي إلا دقائق معدودة والخرفوون المطلوووب عند أبالحصين 00
عطاه موعد ثاني وقال الوعد بعد أسبوع يا الذيب الأمعط 0 تجي وتلقى فروتك جاهزة 00
استانس الذيب حيييل ( طبعا هو ما قال أنا استانست بالحيل 1) ولكن بدا ذلك واضحا وجليا على محياه
انتهى الأسبوع وجاء الذيب يدور الفروة 00 وقام الحصني يماطل ويماطل 00وبكل مرّة ينجحر على أساس يبي يجيب الفروة ولا يطلع ليما يروح الذيب
اندبلت تسبد الذيب 00 وهو يتغصه عند أفم الجحر قدام مطاوط وأمه !؟
قال الحصني 00 الله الله الله 00أوعى إيدك كدا 00 أحسن أشرّحك دلوقتي !!
قال الذيب تشررررح 00000 وهو يهزّه ذيك الهزّه اللي يخلتووه يستسلم 00 وقال الحصني مش كدا يابن العم ( مش أودّام المدام والواد 00 ماتكسفنيش !!)
( عاد أنا هالحين استانست!! يستاهل الجعري 00 أنا أوجعتن تسبدي من سوايا أبو مطاوط بذويبان )
المهم وزبدة الهرج قال ابا الحصين اتركن على شان أجيبه لك من داخل الجحر !
قال الذيب ما لك لوى هذاك أول 00 ما انت برايح أرسل سلقتك أم مطاوط هاللي تفرج علينا خله تجيبه 00 قال الحصني طيب 00 يا أم مطاوط روحي وغاوطي وهاتي فروة عمك الذيب ! طبعا المقصود يوم يقول غاوطي هو انجحري بآآآخر الجحرررر ولا تطلعين ( شفرة بينهم00 والذيب ما عنده كرت يفك الشفرة :p) قالت أم مطاوط حاضر يا سي أبالحصين !! ودخلت وما طلعت 00
قال الذيب الظاهر ما هي جايه المدام 00 قال الحصني طيب وشرايك تحتجز فلذة كبدي مطاوط رهينه عندك وتخلينن أجيبه لك أنا 00 قال الذيب يا هوملالي العب غيره 00 قال الحصني خلاص 00 يا مطاوط رح وغاوط وجب فروة عمك الذيب !
طبعا ( ابن البط عوام 00 فهمها مطاوط وغاوط ولا طلع )
زعل الذيب وقال وين راحوا مطاوط وامه ؟؟ ياخوي لوهم رايحين يجيبون فراخ من الجمعية يمديهم جو 00 قال الحصني يععععععع يا تسبدي 00إنت تاكل من فراخ الجمعية المجمدة يا ذويبان !!
قال الذيب وعلامات الأسى والحزن تعتريه 00 تبي الصحيح والا ولد عمه 00 قال الحصني مار اللي تبي ياذويبان كل اللي يجي منك طيب 00( أخلاق )
قال الذيب تسلم يا ولد العم 00 والله انك حصني ٍ أمعط 00 قال الحصني العفو يا بيه دنتا اللي زيب أمعط 00 والدليل أهوه صارلك زاعتين ما عطني من زمارة رأبتي !
قال شف يا أبو مطاوط يوم الشباب وأنا أتنقى الخرفان ويوم ناصف العمر صرت آخذ اللي يحصل يعني نعجةٍ وجعانه أو قرقور ( أكيد معظمكم ما يعرف القرقور ، لذلك ما ني معلمكم ) ويوم شيبت وضعف جسمي صرت ما أدقق باللي آآكل لياما تردّت الأمور وحدّتن عليك وعلى فراخ الجمعية 00 وهو يذرف هاك الدمعة 00 وهو يتنهد وهو يقوووول 000آآآآآآه يا حزم الظامي 00
الزبدة كفكف دموعه ذويبان وقال :
شف أنا أبي أخليك هالحين تروح تجيب الفروة بس يا ويلك لو دخلت وما طلعت 00
قال الحصني : مسافة السكة يا بيه 00 دلوقتي أخطف رجلي وأجيبه 00 ومثل ما تعرفون دخل وما طلع لأنه أصلا ما فيه فروه 00
انتظر الذيب لياما داخ وذبحه الجوع ما أحد طلع 00 قال ما هي حالة ليامتى أبي أقابل هالجحر 00 بس المشكلة أخاف إذا رحت يطلع أبا الحصين وينحاش 00فكر وفكر الذيب ولقى الحل 00 صار ليامنه بغى يروح يترزق الله حط فوق جحر عيلة مطاوط حجرين بحيث يصبح ظلالهما على مدخل الجحر وكل ما أواق الحصني شاف ذاك الظلال اللي يعتقد بأنه ظلال أذان الذيب اللي لابدن له !!
طالت المدة وجاعت العيلة وقال أبو مطاوط وش رايك ناكل مطاوط بس !
رفضت الأم في بداية الأمر ولكن مع اشتداد الجوع قالت هاته خلنا ناكله 00 وعسى ما انتم مطاوط 00 المهم بعد مدة جاعوا أكثر وأكثر 00 قال الحصني ها يا أم مطاوط حنا نبي نموت كلنا ان بقينا على هل الحال 00 وش رايك انتطارح واللي يطرح خويه ياكله !!
قالت تم 00 وهي تطرحه قالت هااا أنا اللي طرحتك وأبي آآكلك هالحين قال لاااا لاااا ما تنحسب هذي أنا اللي خثعت وطحت 00
تعاد 00 قالت ما يخالف بس ان طرحتك ترن أبي آآآكلك قال موافق 00
وهم يتشابطون شبطي رجال خخخخخخخ قصدي شبطي حصاني :
وهي تشيله فوق وهي تزل عنوووه 00 قالت هااا قال لاااا لاااا انتي غشاشة 00 حنا اتفقنا ما فيه تعكرش وانتي عكرشتيلي وأنا يا غافل لك الله ما انتبهت إلا يوم جبهتي صفقت جال الجحر 00
قالت شف آآآخر مرّه هذي 00 قال خلاص يالله 00
وهم يتشابطون وهو يموح به وهي تموح به وهم يتماوحووون 00 ( أشوف متحمسين تبي تعرفون من اللي طرح خخخخخخخخخخخخ ) طايب تعالوا وراااي






:p لسى شوية













بعد تحت












أقول والله لوهي مصارعة نسيم حميد خخخخخخخخخخخخخخخ






































طيب تعفّوا الله يعطيكم العافية أكيد تعبتوا من طول المشوار 00

وين صرنا 00 إيه وهو يموحبه 00 وهي تموحبوووه ولياهي تحته 00 قالت أصبرررررر لحظة أنا خثعت 00 ولكن لااااحياة لمن تنادي ومن أمس وهو لااغّه بسكين التيفال 00
ما لكم بطويلة ذبحه الجوع وقرر يطلع 00 ويوم أواق من خرم الباب خخخخ قصدي من خرم الجحرررر وليمار ما يشوف ظل 00 قال بس وكاد ذويبان راح ينتنت له شوي بمنتدى الرائدية (00والذيب موجود طبعا لأنه اذا حضر يشيل الحجر 00)
وهو يجمع روووحه وهو ينطق ويا نطقت الشر والشرييييير 00
ومن كثر السرعة ما خمش الذيب غيرررر ذنبه وقطعوووه 00 ( منهو اللي يقول أح ) خخخخخخخخخخخخ
قال الذيب هيّن يا أبا الحصين وين تبي تروووح مني 00 أعرفك ذنبك مقطوع 00 أهااااا فكر الحصني ولقى الحل :
قام الحصني وعزم كل الحصاني 00 ما أدري وين بس أكيد هو طلب حظور جميع الحصاني وقال ما هو ممنوع لبس المغاتيررر ولا هو ممنوع اصطحاب الأولاد خخخخخخخاي ما أدري وش اسم الحصني الصغيرووون 00
ويوم تجمعوا قال سموا الله يحييكم على واجبكم 00 ويوم بدوا ياكلون صار يمر عليهم واحد واحد ويربط أذنابهم الصغير قبل الكبير 00 ويوم ربطهم كلهم قال عن اذنكم ابي أترقب الوضع وأحرسكم لا يجينا قوم وحنا ما ندري 00 واذا صحت عليكم انحاشوا واتركوا كل أمتعتكم وغادروا الطائرة فورا خخخخخخخخخخ عفوا قصدي غادروا أما كنكم 00 وماهي إلا لحظات حتى صرخ عليهم القوم جوكم 000 ففرّ الجميع وبما أن الأذناب مربطة تقطعت جميعها وبذلك صارت حصاني متقطعة أذنابها 00خخخخخخخخخخاي

هااا عرفتوا معنى المثل ؟!

الله يعطينن العافية ويعطيكم 00
وسلا متكم 000


مدلول