من جد اللي يبي يبكي يدخل

[الجوووري]

هذي قصة شاب اسمه خالد .... كان يحب وحده وهي تبادله نفس الشعور عاشوا هالحب سنين وفجأه وبدون مقدمات مرض خالد المرض الخبيث الله يكفينا وياكم شره ..... وطبعا من حبه لحبيبته ماقدر يقولها خوفا عليها وصى صديقه هالوصيه بقصيده ومن القصيده تعرفون وش طلب خالد من صديقه

********************************

وصاتي لك من بعدي تموت فيها علشاني
ابيها تعيش وتحيا بك واظل بالذاكره مفقود


وصاتي لك تنسيها ملامح وجهي وتنساني
وتعزفها قصيدة حب على عكس اللي عزفته بعود


وصاتي لك تبعدها عن اشعاري وقيفاني
تراها مغرمه بالحيل ويشهد لي عدد الردود

وصاتي لك تسايرها ترى فيها من احزاني
طلبتك لايضيق بالك طلبتك والطلب مردود


وصاتي لك تناديها حياتي..عمري..ازماني
انا عودتها دايم ادلعها وانا موجود


وصاتي لك تعاملها بطيبة قلب واحساني
تراها تذرف الدمعه ودمعتها بليا حدود

وصاتي لك تحفظها سور وايات قراني
وتخبرها عن الميت رحل ولايمكنه بيعود

وصاتي لك ترسمها على قبري واكفاني
ابيها لوحه تبقى على طول الزمن محدود

وصاتي لك تمازحها واشوف الضحكه باسناني
سعيتك ياضحك هالكون طلبتك لاتصير جحود

وصاتي لك تقهويها من دلالي وفنجالي
تراها تعشق السمراء ويكفيها دخون العود

وصاتي لك تركبها على خيلي وعلى حصاني
وربي فارسه من قلب شهادة ماهي لشهود

وصاتي لك تسفرها بلاد الشام ولبناني
ترى يحلالها تقطف ورده من بين الورود

وصاتي لك تراقصها على الحان رحباني
ترى فيها عرق خالة وفيها من جنون السود

وصاتي لك تحببها فأبو نوره بعد هاني
وتنسيها ندم غلطه انا فيها ترى المقصود



وصاتي لك تكرهها في تاريخي وعنواني
ابيها تلعن اللحظه وتلعن كل فرح موعود


وصاتي لك تشبهني بدم احمر قاني
وانا هالقاتل السفاح مجرم من عصر نمرود

وصاتي لك تحلفها تتوب تحبني ثاني
ترى يكفيها ماعانت ويكفي حيلها مهدود


وصاتي لك تنسيها وصيه قالها لساني
انا اخبرك رجل موقف وانت قدها وقدود
صديقي مالقيت غيرك يعرف وشلون تنساني
امانه ضمها بقلبك ترى خالد رحل مايعود


تحيااتي
الجووري,,