بيت (لأبن رشيد )

[عبدالله المعزي]

احبتي أهديكم هذه المشاعر عن شعرنا القديم امل ان ترقى الى ذايقتكم الجميله

وهي اول مشاركه لي معكم
[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
حط النعول المغزل العين يا حسين=وافرش لها من ردن ثوبك اليانـه
البيت ماهو لي وانا ماني بشيـن=و أشوم عن طبع الغدر والخيانـه
بيتاً حفظته ياعرب لي من سنيـن=لأبن رشيد الـي كتبـه بزمانـه
فيه الخيال العذب والحـب واليـن=و فيه الوصاه الحامليـن الامانـة
اعذب طروق الشعر كانت وللحين=بجمل قصايدهم نشـوف الرزانـه
كنزاً ورثنا من جـدودن مياميـن=ماهي سوات الهرطقـه دان دانـه
جيلن مضى لو بينهم حرب حطين=يمشون في قولة السانه حصانـه
والطير اهده من فروخ الشياهيـن=الخرب لا شافه قعـد فـي مكانـه
لعن الولع يا مسندي و الولع شين=لا صرت رجـالاً وطبعـك تكانـه
يخلفك عن ممشاك ماتدري منيـن=وناساً ماهي كفوفك تشيل الميانـه
للشعر الاول سطوتـاً بالمياديـن=هو ترجمان اهل الفكر هو بيانـه
رسايله جابت قصـور السلاطيـن=ومنه النصايح عن دروب المهانه
قالوترى بالصبر مقضـاة ثنتيـن=تكسب جميل وتأخده فـي اوانـه
معنى جزل لوهو شطر بين بيتين=مثل السفير الي حظى بالحصانـه
الشعر نبع احساس ماهو تخاميـن=تصوير للواقـع بصـدق وليانـه
ما يجمعه من يجهل السين والشين=الي بداء وطلـق لروحـه عنانـه
واهل الجزالـه بالمحافـل قليليـن=مثل الذهب صافي بريق المعانـه
امثال من جنب عن اليـل ياعيـن=والحب لوعنـي ويلعـن زمانـه
نظم الغزل ياسامعي لـه تفانيـن=ماينكتب بسلوب فحش و مجانـه
اجمل من التفاح واطعم من التيـن=وارق من ريحت شذى القحويانـه
يكتب بعذبات الوصـال المزاييـن=الطاهـرات الحافظـات الديـانـه
وارجع واقول ان الشعر بالموازين=من حسب الوزنه نجـح بمتحانـه
[/poem]وتقبلو تحياتي