العربجيه والخكرري ( حل لهذه المشكله)

[الريم]

هذا موضووع نقلته من احد المنتديااات واتمنى انه يعجبكم
*********************
العربجية و الخكري
يا خيي في ناس قاهريني ودي نسلط عليهم الأضواء مع إنهم والله ما يستاهلون "العربجية والخكري"!!! خلنا نمسكهم واحد واحد علشان تتضح الرؤيا.
العربجية أبغا أوصفها لك مثل ما شفتها.. واثقة من نفسها مرة تقول كونداليزا رايس على غفلة! ولا تشوف البنات شي قصة شعرها وشوي وتشوف المخيخ من قوة التحليقة جزمتها رياضية و شنطتها رياضية أهم خاصية فيها أكمام بلوزتها تلفها لف ألين يطلع الكوع (وكوعها يذكرك بمنساب الخيمة) ويدها كلها شوشة وترسم فيها ساعة بقلم خطاط اهتماماتها بعيدة كل البعد عن الأنوثة أصلا ً ما تحس إنها من عالم حواء (آه يا عالم حواء) مسترجلة بالحيل وإذا مشت كل البنات يوخرون عنها شارين أعمارهم و إذا بغت تجلس تجلس بقوة لدرجة إن الغبار ينتشر (كأنها كيس شعير طايح من تريله).. وإذا طقت في راسها تضرب أحد ما تقصر.. مرة قامت وشالت برميل الزبالة "أكرمكم الله" وقلبته على راس بنت بحجة إن نظرات البنت ما اعجبتها!!!.. واللي يزيدني قهران لها معجبات مدري على وش؟ والمشكلة إنهم يتكاثرون الأيام هذي في المدارس والجامعات واسألوا عنهم بتسمعون العجب وتصدق إنهم في المدارس يفصلون مراييلهم نفس ثياب الرجال لا ويلبسون من تحت بنطلون رجالي أبيض؟! بالله هذا ما يقهر!!! طيب الإدارة وين؟ والأهل وين عيونهم؟! آه يا ليتني مديرة مدرستهم كان صارت علوم.

***********8
نروح للقهر الثاني: الخكري يلعن أم القهر هذا باط كبدي ودي امسكه واوديه للصحراء لين يغدي رجال.. شكله يحوم الكبد قصيصته مطولها وحاط عليها جل أو مستشورها أو نافشها (تقل شجرة زينة) وأظافيره باردها ومنكرها وشايل أيدينه بالحلاوة ويستهلك كريم أساس بشكل فظيع (نزلت السوق مرة اشتري كريم أساس ما لقيت.. شايلينه الخكارية حسبي الله عليهم) ومشيته باردة وخطواته قصار وملابسه (ما هي ضيقة.. حشرة) ولا يطلع إلا في الليل عشان الشمس ما تأثر على بشرته وأهم خصائصه النحافة! (تذكر زيتونة على طول بس زيتونة أرجل واسألوا بباي) أعوذ بالله لا كل هذا كوم وطريقته بالحكي كوم شوي ويذوب من النعومة والمياعة ولا تلقاه لحاله لازم معه بودي جارد زي المحرم يدافع عنه لأن اللي تاكلهم ايدينهم على طقه وايد بس الشكوى على الله.. الأشكال هذي تتكاثر في المدن الكبرى (وأتحداك تلقى خكري في قرية)!!
طيب السؤال "المنسدح ينتظر إجابة" كيف بيكونون عيالهم؟! وبعد هالكلام كيف تخلي الخكري رجال ينشد الظهر فيه (ذيب) و العربجية مرأة ناعمة ومهذبة.. ومن المسؤول عن إعادتهم إلى أصلهم وحقيقتهم؟ وقبل كل هذا ما هي أسباب العربجة والخكركة؟
.



مع خالص حبي واحترامي أختكم:D
الريم;) ;)