وجــــد ( أسامــــــــــــــــه )

[هم1]

ياوجودي وجد اسامـــه يوم حدوه اليهود/

في تورا بورا وكابـول وشـــرقي قندهار/

او وجودي وجد من اقفا زمانــه ولا يعود/

ومن ردا حظه زمانه قاسي بحـاله وجار/

او وجودي وجد من ذله زمانــه لشرود/

عاف بقعا يومها صارت مهــونه للحرار__

هذا وجدي في زماني ياجـــودي ماتجود/

وفي وجودي يازماني ليه حظــي لــدمار/

من زهمنا قلنا ابشر ياولد ارقـــا ســـنود__

وان زهمنا مالقينا من يقول ابشر وسار/

باتوجــــد واتـــوجد ماعلي وجـــدي قــيود/

واتوجــد دام مالــي غــــير وجــدي ذا خيار/

دام عمري يارفيــقي راح في صمت وجمود/

والفرح مامن فرح والشمس غابت ياالنهار/

قلتها يوم الـــردي رد الــــجمايل بالجــــحود/

والجمايل مارجــينا ردها وصار اللي صار/

والحقيقه ان الثعالب في الزمن هذا فهود/

والمصيبه ان الفهود نشوف فيها الانكسار/

ولعنبو وقـــتٍ فــــتل اشناب صناع وهنود/

ولعنبو وقـــتٍ قــــراره ياخذه ابن القرار/

وقيمة الرجال صارت وش كثر عنده نقود/

وتكرم اشناب الزحازيح له عندي اعتبار/

قلتها والعهد باقي وعهدنا هو لـــلسعود/

وبأسمهم صارنا سعوديين ميزه وافتخار/

والحسود العود بعيونه ولا فــــينا حسود/

قلتها دام الفلك وجدي وشــعري له مدار/

ماقصدت اني بانزل قــدر احـــدٍ بـالــوجود/

وماقصدت اني باقول الشعر فــي كل اقتدار/

مقصدي ماطيع وقتي ماخذ لـــنفسي عهود/

ومقصدي اعز نفسي وسلك ادروب الكبار/

ولو يميل الوقت فيني ثابت ومعلن صمود/

والذهب يبقا ذهــب ماخالــــط بلونه حمار/

المهم انك عرفـــت اني بوجـــدي لو اسود/

ماقدرت اني ابتدع بالوجـــد معنا وأختصار/

يعني بالمنثور ورياح الـهباء ارياحي تزود/

وثابتٍ فــي هبـــاء الـــمنثور برياح وغبار/

والجـــهود اللي بذلته والله ماهي باي جهود/

ولــو رمــيته فوق سور الصين ينهار أنهيار/

ومــا ابالــغ لــو يصيــبك من الوصف البرود/

وياحمولي ان كان وصفي مقصرٍ لك اعتذار/

والسبب ان الحمول اللي علي دوم ابصعود/

ومن بــــــــلاه الله يحبه وثابه عن كل اختبار/

واخــــر ابياتـــي ياربــــي حطني بحظ الجدود/

صيتهم نجمٍ تعـــلا وطيبــــهم ضافي الستار/

عبداللـه ضيف اللـه الشمــــــلاني

مع كامل اعتذاري للقائمين على هالشبكة لتأخرونا بالالتحاق كااعضاء اخوه انشاء الله