[frame="1 80"]هذه قصيده في الشيخ
منصور المحيا
شيخ شمل قبائل بللحمر[/frame]
[frame="1 80"]يالهجوس استرسلي والعلم شاره
عادةٍ لك تسمعيـن ان قلـت هيّـا
الله الله شنّـت القيفـان غــاره
غارةٍ من صقر ماهي مـن حديّـا
اتنقّى في الكـلام اطيـب خيـاره
واتمـثّـل واتـطـرّب واتهـيّـا
فرض عينٍ من لوازمه الطهـاره
فـي كتـاب الله ولا فيهـا مليّـا
مايبي نشده وركعـات استخـاره
القصيد اللـي بمنصـور المحيّـا
سيدي والحـرّ يفهـم بالاشـاره
وانت حـرّ ميـر مافيهـا كنيّـا
ماحجب نور الشعور اكبر ستـاره
كيف وانت اللي تزيد النور ضيّـا
راس مالـي والفوايـد والتجـاره
شوفتك عساك تبطي وانـت حيّـا
شيخنا للطايلـه يسـرج مهـاره
وان نزل شوفه تحت شاف الثريّـا
وارثٍ المشيخه ماهـي استعـاره
مثل النور الشمس مافيهـا غبيّـا
الله اللـي ميّـزه واعلـى وقـاره
واعتلى شانـه مـع هـذا وذيّـا
كلمته تمشي ولا نعصـى قـراره
ويعطي الراي السديـد ولا تعيّـا
ماحرف عن طاعة المولى مساره
وما انشغل بالـه بلـذاتٍ وغيّـا
فوق هذا ماطفت في يـوم نـاره
كم وكم في مجلسه رحّـب وحيّـا
بالضيوف اللي تعنّو لـه زيـاره
والطراقيّـه وبأصحـاب الشكيّـا
وكل من جابه سنا نـور المنـاره
كلهم عقب الظمـا يلقـون ريّـا
مجلسه مفتوح ليله مـع نهـاره
وما يقوله يفعلـه ماهـي حكيّـا
ان عطت يمناه ماتـدري يسـاره
الله أكبـر دمـت يالكـف النديّـا
وان حصل في الوقت لفّه واستداره
في النهار اللي تبين بـه الحميّـا
كل موقف تصغـر بعينـه كبـاره
ثبّته مـن يطـوي الايـام طيّـا
ينتصر منصور ونشوف انتصـاره
وينكوي من عانده بالجمـر كيّـا
شيخنا يرفـع عصـاه وباقتـداره
وكلنا فـي فيّـة الشيـخ نتفيّـا
والمعذره منـك يانمـر النمـاره
من قصور لساني وقصْـرة يديّـا
اتقـدم تـارةٍ واعــود تــاره
المشاعر من هنـاك اليـا هنيّـا
كل قافٍ مانثنـى لجلـك خسـاره
وان مدحت سواك عيّا القاف عيّـا
مابقى عندي يكون اوضح عبـاره
وانت مغنيك الولـي عنهـا بليّـا
من هو اللي قد جمع شيخه واماره
ماجمعها غيـر منصـور المحيّـا [/frame]
[frame="1 80"]الشاعر ناصر الأحمري[/frame]
المواضيع المتشابهه
العرض الشجري