حواري الخفجي نايمة أو أنا ماعندي سالفة ؟؟!!

[عشق الشمال]

مسااااااكم الله بالخير

ياجماعة الربع ,,

بدون مقدمات وبدون لف ودوران <<< اخلص وش تبي

سؤؤؤؤؤؤؤؤال يطرح نفسه ألا وهو :

هي حواري الخفجي اللي نااايمة أو انا اللي ما عندي سالفة ؟؟

ليه ماعندكم لعب حواري ؟؟

ليه ماعمر واحد منكم فكر يعزمني على الكوووورة بالحواري ؟؟

وربي تراااني فتيييييت كوووورة الله يقلعكم <<< وش هالمونة القشرا

وبعدين يكفي إني نصرااااوي وأحب النصر ومعروف بأن كل نصراااوي بيكون فناااان كورة !!

<<<<< ألعن أم الغروووور

ياجماعة وين دوراااات الحواري ؟؟

آخر علمي بحواري الخفجي دورة العلمين اللي صارت برمضان !!! <<< مش معؤوووول

ياناااااس عندنا بالشمال الكورة على (أفى من يشيل) وآآآآآآه يازين الشمااال حتى الكورة هناك لها

طعم خاااااص ومذااااااق آآآآآآآآخر <<< يارجال الشمال كل شي به زين

عمووومآ ترااااني لاااااعب خطير جدآ جدآ والحظيظ اللي ألعب معااااااه وربي غير أجندل الفرق فريق

تلو الفريق بس طشووووني بالملعب وخلووووني !!! <<< والله من الفلس بهالرجلين المقوسات

وبعدين اهم شي بالاعب أخلاقه وأنا ما أزكي نفسي لكن ترى أخلاقي عالية(ن)

بالحيل بالحيل وأنتم بكيفكم والله يالفريق اللي ألعب ضده غير يقول يااااحيف اللي ما خذيناااه قبل فريقه

وملعب الاقوااااس بيننا !!

إلا على طاااري الأقواس وملعبها وربي ودي أشوفه من كثر ماسمعت به يقولون الكورة هناك

حمااااس ومشااااكل وهووووشااااات << إذا فيه هوشات بطلنا مانبي كوووورة

لأني مرة من المرااات بغيت أتكفخ في أحد المعارك الكروية بس الله ستر ,,,

عمومآ شكلي لجيتكم لكن حبيت ( أحتسي لكم ) نبذة شخصية عن شخصي المتواضع

<<<< كل ( هالحتسي ) وانت متواضع أجل وش بتقول لو كنت مغرور

وأشووووفكم على خير بإذن الله ,,



خاااااااتمة ...

لأجل الشمال وريحة البن والهيل ... حتى اتجاه البوصلة جا شمااالي

الله الله