أبريت الهوى....في حب الوطن...

[راضـــي]

[align=center]الهوى .. كل الهوى .. كل الشجون
والغرام اللي يسافر بالعيون
للثرى .. للأرض .. ولعالي الحزون
للحنين اللي مع البيرق مشى
وانتشى
في زحمة الشوق الكبير
للأمير
اللي تشهى ديرته
ياعسى بالخير نكتب سيرته
وان تلاقى في مداراته بعيد
في عيون الشمس
ليله أشرق أمس
بالصبح الجديد
الشهر شوال والعام السعيد
يغزل القمرا .. صباحات وعيد
من خطى الفارس على هاك النجود
فرحة الظامين .. برّاق ورعود
أمطرت ، ثم ازهرت في كل عود
النفل ، والشيح ، واكمام الورود
ياعسى بالخـير نكتب سيرته
في الصباح اللي عرف تكبيرته
إشهقت عبد العزيز يابعد روحي عزيز
هات يدك .. ومدّها
مدّها البيضاء تفوح بندها
بالتاريخ اللي بدا .. حلم ، وآمال
مزهرينه بالندى .. كاتبينه بالنوال
راسمينه بخدّها
من قدّها .. أمن وأمان
وابتدى حلو الزمان
ابتدى العمران
المناير والأذان
والمكان .. اللي يغرد بالبشاير والحسان
كل دان ، ودان
غن يابحار .. وانشد يابحر
التعب اللي لقينا من سنين
انتهى .. يوم انتحر
غاسلينه بالعرق .. حتى احترق
فوق الجبين
ديرتي ياديرتي في كل عام
رددي عذب اللحن حلو الغرام
واهتفي ، وتعطفي : خيرك كثير
ياعشاق القلب .. ياالحب الكبير
المعاني جات في وصوفك قويه
دايم الحظوه .. وقو الجاذبيه
المحبه ، والغلا .. ياالأجوديه
ماغلا غيرك .. ولا غيرك غلا
ياوصوف الخير .. ياحلو الحلا
شرقي أو غربي . .في كل دار
وابحري في شطوطها كل البحار
تلتقين الود .. والديـره عمار
من يجي جده .. ولو روح شمال
الرياض الحب .. والوسطى دلال
والجنوب .. اللي يسافر بالخيال
أو يجي طيبه يشوف
روعة التطوير
أو قصد مكه يطوف
الهوى أثير
نشوة الإيمان
والرؤى أمان
راقصه شط الخبر حتى تبوك
ألف ألف مبروك
كل مية عام
ألف ألف مبروك
دام عزك دام
ألف ألف مبروك
التهاني والورود اللي يهدوك
تستاهلين
وبالمبارك يابلد
وبالمبارك يافهد
ويا أبو متعب
وياسلطان المعزه والسعد
ألف ألف مبروك
وبالمبارك يابلد تستاهلين
انثري شمسك جدايل نور
وعطور
تحدث عنك عن يومك وعن أمسك
وزهو الحاضر المسرور
جدايل نور
وعقد زهور
وبالمبارك يابلد
الثقافه والأدب
شالك الوردي
ومجمول الحسب
والنسب تستاهلين
يارياض الخير ياحلو الطرب
احضنيني بالعيون ودثريني بالهدب
وافردي غيمه وظلي ياالحنون
واعصبي راس المعالي بالقصب
عشق ينبع عشق .. وهيام الجبيل
النسايم هيل
وللنهضه أزيز
صفقوا له حيل
ياولد عبد العزيز
عرسك الزاهي ، وأمجادك تدوم
دام عزك في الهوى من هو يلوم
يابلدنا
وافتخر لاشفت .. لاقالوا :
ولدنا
طرز الواحات .. عـنّاب وبرد
ارخص الأرواح من دون البلد
الرايه الخضراء .. على متنه يشيل
رفرفت بالعز .. وشموخ النخيل
تحفظ التاريخ .. جيل عقب جيل
يوم أبو تركي .. سماه ، وساسها
درّك المبنى ، وجوّد ساسها
الكرم مطبوع .. أهلي ،وناسها
والعلم مرفوع عصبة راسها
العروسه نجد ..
والعرس الرياض
والهوى ممتد ..
يا كل الفياض
اعرضي … واستعرضي
وش يقولوا عنك عشاق الطموح
اسمع اللي يقول ياالوجه الرضي
وانظر اللي .. في مغانيك يسوح
طرزي شط البحر .. قبله ، وشام
بالنجوم اللي على صدرك تضي
يامنار العز .. . يادار الوئام
ماحدا .. مثلك ، ولا غيرك حظي
بالمحبه ، والمحبه ذوبها
بدة الأيام دام طيوبها
ديرتي ياديـرتي غنوا بها
يافروح العيد
ياالثوب الجديد
زاهي الحنّا … على كفك يزيد
انقشي وتزيني .. يااليعربي
واربشي بالفارس الحر الأبي
كل عين .. ماتصلي عالنبي
ياعروسا .. زفها للمجد أهلها
واستاهلها.. من رعاها .. من وصلها
من حفظ سيرة بطلها
قال : يال سعود
وفيتم .. وزود
ياهناكم .. بالمحبه
ياهنا .. شعب ودود
واليدين اللي بنت سلمت لنا
دام عزك .. ياوطنا والهنا
وافتخر لا قالوا : سعودي أنا
سعودي أنا
سعودي أنا


تجياتي ........


مـنــقــول

:ty: :ty: :ty: :ty: :ty: [/align]