الجرح

[مشعل القعود]

السلام عليكم ورحمة الله وبركاته

هذي اول مشاركه لي بالمنتدى الرائع واتمنى اني اكون بينكم
وانشالله تتقبلوني بروح متلهفه واطرح عليكم هالقصيده ...





[poem=font="Simplified Arabic,6,white,normal,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
أهـلاً هـلا يـا جـرح دقّيـت بـابـي=تفـضّـل ومــا مــن غريبـيـن يـمّـي

هـذي تناهيـدي .. وهـذا عـذابـي=والشايـب اللـي مرتكـي ذاك هـمّـي

عفواً .. نسيـت آعرّفـك فـي جنابـي=أنـا الحزين ولد هـمّـي وغـمّـي

إجلس علـى قلـبٍ مـن أيّـام طابـي=وخذ راحتك والبيت بيتك .. ياعمّي

تفضّـل إقـدع مـن ثمـار اكتئـآبـي=وسـمّ وتقهـوا مـن فناجيـل دمّــي

وإشرب مـن دموعـي بكـاس اغترابـي=وسولف على كيفـك ليـا طـاب ذمّـي

وأقطف مـن ايّامـي وزهـرة شبابـي=فـي كفّـك اللـي لا ذبـح مـا يسمّـي

أنـا رويـت بجيّـتـك مــن سـرابـي=والاّ الـزلال إليـا شربتـه يضـمّـي

لا كيـف ولاّ كـم .. بــدّد صـوابـي=لا يشغلـك يـا جـرح كيفـي وكـمّـي

ذا عقدي الثالث بدا وانتهـا بـي=واذا انفرط عقد العمر مـا يلمّـي

مع خالص تحياتي
مشعل القعود[/poem]