السلام عليكمـ
قصيده اعجبتني و أتمنى تحوز على إعجابكم
أبـــــي قـلــبــي تـرديــنــه
عليـك الله وأمــان الله إذا ودك تخليـنـي
أمانـه يـا بعـد حيـي قلبـي لاترديـنـه
فداك القلب يا حيي وعيني يـا نظـر عينـي
فداك الروح يا روحي حرام اللـي تسوينـه
دخيلك يـا خلـف ميتـي فبعـدك لاتبكينـي
ترا بعدك يلوعنـي حـرام البعـد تطرينـه
أنا من لي بعدك يا عينك هدب ناعس يواسيني
يلملمنـي ويشتتـنـي يذوبـنـي بتلحيـنـه
أنا من لي بعد جمرك مـن الشلتـى يدفينـي
أنا من لي بعد حضنك دفا وخنجر وسكينـه
أنا من لي بعد خصرك خصر لأمال يبرينـي
يتوهني عن العالـم وأضيـع بعالـم سنينـه
أنا من لي بعد خدك ... قمر دايـم يناجينـي
يسولف لي واسولف له عن اللي بيني وبينـه
أنا من لي بعد نورك مـع الظلمـة يقدينـي
يموت القلب من بعـدك وتتقطـع شرايينـه
أبي منك رسالـة بـس طلبتـك لا تردينـي
ابي اعرف بها تكفين حبيبـك ليـش تنسينـه
إذا قصرت في حقك أو إني أخطيت لوميني
أبي اعرف سبب هجرك طلبتك لي تقولينـه
واذا الشغله دلع زيدي دلالـك لـو قتلتينـي
غلاتك لو ذبحتيني .. منك الموت يازينـه
بعـد كـل الـذي قلتـه وقررتـي تخلينـي
أمانه يابعد رأسـي .. أبـي قلبـي تردينـه
لشاعر / سعود بن سبيل الخيبري
المواضيع المتشابهه
أبـي قلبـي تردينـه ..!!
العرض الشجري