رساله لإدارة النصر ...................................

[رشاش]

السلام عليكم ورحمة الله وبركاته


هذا اول موضوع اكتبه بالقسم الرياضي واعذروني اذا قصرت في صياغة الموضوع بالشكل

الجميل والمطلوب .


هي ماهي رساله هو اقتراح أو رأي اعتبروها زي ماتحبون .

بقية فتره زمنيه قصيره على إنقضاء الموسم الرياضي ونادي النصر يتأرجح في سلم الترتيب

وربما يهبط الموسم القادم إذا ما خدمته الظروف

واتمنى انه مايهبط لكن ؟؟؟؟؟

ماذا سيقدم النصر الموسم القادم إذا ماهبط ماهي مشاريعه ومخططاته

هل هي مثل كل سنه بناء الفريق ثمان سنوات أو أكثر والإداره النصراويه تتحدث عن بناء

جيل من اللاعبين الواعدين أين هم ؟؟؟؟؟؟

المتوفر حالياَ الصراحه اقول انهم عاديين بل اقل بإسثناء لاعبين او ثلاثه .

رسالتي للإداره النصراويه

أبدأ بالتعاقدات مع اللاعبين

ماهو شرط او واجب اني احضر لاعب اجنبي للفريق وشفنا لاعبينا الأجانب الفاشلين

بمبلغ هذا اللاعب تستطيع الإداره النصراويه أن تأتي بلاعبين سعوديين أفضل من المحترف الأجنبي

عندي كم أسم للاعبين محتاجهم النصر واكثرهم حبيسي مقاعد البدلاء مثل:

مرزوق العتيبي وعبالله الواكد من الأتحاد , فهد الزهراني من الأهلي والعبدلي ظهير الأهلي,

سعيد الودعاني وعبده حكمي اللي أخذهم الأتحاد إعاره لموسمين وأعدهم للقادسيه ,

ناجي مجرشي مهاجم ممتاز من الشباب وهذه الأسماء اللي تحضرني الآن ويمكن هناك اسماء

عند الأعضاء يعرفونهم ويتمنون تمثيلهم فريق النصر

مع العلم ان هناك ناديين راح يهبطون للدرجه الأولى ليه مايركزون على أبرز اللاعبين لدى

الفريقين ولو على سبيل الإعاره لموسم واحد

النصر خاض تجارب مع لاعبين كانوا في آخر عطائهم ومع ذلك أفادوا الفريق مثل:

فؤاد أنور , وفهد المهلل , والغشيان وبرزوا مع النصر بعد مستوياتهم المتدنيه مع فرقهم

السابقه لاتروحون بعيد

طلال المشعل مستواه كان ضعيف مع الأهلي وكان حبيس الأحتياط وانتقل للنصر وأبدع بل

أنقذ النصر من الهزيمه عدة مرات

وجهة نظر : أنا أرى ان اللاعب أذا كان حبيس الأحتياط وسنحت له فرصه لتمثيل فريق ثاني

وحتى لو تقدم به السن وكان في أقل عطائته سيخدم الفريق المنتقل إليه والنصر قام بالتجربه

ونجح مع كذا لاعب

تعليق بسيط الكلام عن بناء فريق شاب للنصر وجيل صاعد صعبه للنصر لأنه إذا ينتظر هؤلاء

الشباب أن تكون لهم الخبره الكافيه في البطولات الخارجيه او المنافسات المحليه يبي يطول

الفريق وما حقق أنجاز وشوفوا حال النصر الآن وشوفوا حال الأنديه متذيلة الترتيب


تجد عندهم محترفين ولاعبين شباب وإداره تدعم الفريق ومع ذلك ترتيبهم في المراكز المتأخره

لماذا لأن ماعندهم لاعبين خبره لهم باع طويل في اللعبه وكيفية التعامل مع المباريات بحنكه


كلمة أخيره :

أنا هلالي متعصب لكن كل كلامي هذا حرصاَ مني على الكره السعوديه بأن تعود المنافسه قويه

بين الفرق ويظهر الدوري بأحلى صوره ومن يمثلنا بالخارج يكون قد المسؤليه ويفرحنا بالإنجاز

وتكون المملكه العربيه السعوديه على قمة آسيا والعرب والخليج .


أعذروني على الإطاله وياليت ان المعلومه اللي ابيها وصلت لكم وأبي أشوف تفاعلكم خصوصاَ

أنه أول موضوع لي ودمتم بحفظه .