مسابقة ( شاعر النهضة ) ومبرووك للفائزين ..

[أبو رائد]

بسم الله الرحمن الرحيم


شاعر النهضة


فكرة متسلسلة من مسابقة شاعر المليون


تلك المسابقة التي كسبت كمٍ هائل من المتابعين


و لكن هذه الفكرة أختصّت على طلاّب المدارس فقط

فكرة و إعداد الأستاذ / علي عسيري

مشرف النشاط في ثانوية النهضة

تحت إشراف مدير المدرسة / خالد العطوي

برعاية / منتديات الرائدية

التي تكفلت بالجوائز و الدعم الإعلامي



......................................


بدأت المسابقة قبل أسبوعين



( جانب من الجمهور )

شارك فيها 18 طالب من المدرسة


تأهل منهم 5 طلاب فقط إلى المرحلة النهائية و همّ :


1- فهد العازمي

2- فهد عقاب البقمي

3- عايض العجمي

4- راكان العازمي

5- محمد بن عبدالله الشهراني


أعضاء لجنة التحكيم :


( لجنة التحكيم )


1- الشاعر / محسن الشملاني
2- الشاعر / سامي الشمري
3- أستاذ اللغة العربية / صالح الموسى
4- الأستاذ / ناصر سليمان العنزي

و في المرحلة النهائية أنظم الشاعر / ماجد المرّي إلى لجنة التحكيم



............


قصيدة الشاعر ( راكان العازمي )





[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
( كلٍ يجيب خيولة و مركابة ) = شطرن لأبو مريبد و أنا ببدابه
شطرن يغني لي و أنا أغنيلة = و قدامكم قدامكم برقابة
ياناس أنا عندي قصيدٍ وافي = بيته وفيّ محدن ولا أحدن عابه
بيته يناسب قصته بأكملها = و يناسب القصة و هي تحلابه
غازي على بحر القصيد الطيّب = مثلي و أنا ( راكان ) من يعنابه
بجيب موضوعن يدور براسي = له مدتن ياناس ما أحدن جابه
موضوع نبطي ياعرب له مدّة = له مدتن يا ناس و أنا أدرابه
يدريبة المقفي ولا يفرحبه= و يدري به المقبل ولا يسعابه
معناه يا نسل الرجال الحرّه = فعل القبايل كلنا نغنابه
و أن عوّدة لأصل الفعول المبطي = تراي من قومن فتل بأشنابه
حنا العوازم نَكسِر ولا نُكسَر = يشهد لنا التاريخ مع كتابة
هذا ترى نبذة بما يعنيني = و حنا ترى سيفٍ يقط جرابه
بدون قصور فيكم يا القبايل = و لكن هذي القصة بإجابة
و أحوّل الموضوع لمصوت لي = الله يحقق له على ماطابة
أشكر جزيل الشكر من صوت لي = عزّ الله أن الطيب فاتح بابه
ياللي تصوت لي و أنا ما أعرفك = قدري يجيك اليوم زاد إعجابه
الله يقدرني و أرد الطيبة = ياناس قولوا كيف أنا أبسعابه
طنبي ترى جمهور اللي صوت = و أنا عمودٍ بانيته أطنابه
مانيب حاقر للذي جنبني = ياجعل درب الضيق مايمشابه
و أقولها للي مجنب دربي = دربي و دربه ياعرب متشابه
و أنا ترى أمثل بصفي صفي = أول .. و صفي كله بطلابه
عساي ماقصرت في تمثيلي = و عساي في وقتن يغيث أصحابه
الأولة : ماغيركم نجحني = ولاغيركم جاب السعد لأحبابه
الله يقدرني و أفرّح ربعي = و أقول باب الضيق يقفل بابه
لوقلت مهما قلت ماني موفي = لكن يعرف البيت من يقرابه
سلام ياللي يستمع لــ.. قولي = صغار هذا الحفل مع شيّابه
عساي ماقصرت في ذا الحفلة = لكن كلامي واضحٍ بخطابه
مالي هدف غير أكتسب خوّتكم = ولالي هدف غير الغلا أرقابه
ياللي لكم سامي الكرم و الجودي = يالطيبين و طيبين اللابه
أختكم كلامي و أعتذر و أوّدع = ( إن الغلا فالقلب مايدرابه )[/poem]




و من ثمّ تقدم الشاعر / فهد عقاب البقمي و ألقى هذه القصيدة



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا مل عينِ و المخاليق هجاع = ماتهتني بالنوم لو ربع ساعه
كله سبب همٍ سطى بين الأضلاع = الله يعقّل يا سعد بإنقطاعه
بأسباب فرقى اللي له القلب ينزاع = زوع أشقرٍ من بعد شالوا قناعه
اللي لعذبات التواصيف جمّاع = فيه الحلا فيه الدلع و السناعه
مبسم و خد و قد و عيونٍ وساع = وا قلبي اللي لايع الحب لاعه
أليا طرى في نومي أفزّ مرتاع = صدقت من قال ( المحبّه ولاعه
ياراكب اللي لامشى له تلعلاع = جمسٍ جديد و من حديث الصناعه
ألفين مع سبعه للأميال قطّاع = ما أحلا مع الخط السريع أنمزاعه
تهدر شكامينه و له بدي لمّاع = و درب المساري فيه يا طول باعه
كنّه ليا منه مشى يطوي القاع = و كنّ الزفلت أيقول ( سمعِ و طاعه )
لولا بريكة يردعه .. يقلع إقلاع = أكبر عيوبة فيه ( كثر السراعه )
يسوقة اللي يحسب لـ كل الأوضاع = الله فيه من الوفاء و الشجاعه
ماهوب للرديان صاحب و تبّاع = طيبة درت به عزوته و الجماعه
و الله يعزّ اللي شرى الجمس ماباع = و الله يذل اللي شرى ثم باعه
عبّ التوانك فلّ من زين الأنواع = و سرّه مع ليلِ تعاوى سباعه
ودّ الخطاب لصاحبي عذب الأطباع = قدام نور الصبح يبدي شعاعه
قلّ له ( فهد ) قلبه من الحب منلاع = و لاعاد عنده عن فراقك مناعه
و طرفة عقب فرقاك يا زين دمّاع = و يرجي من الله ثم منك الشفاعه
وشوفك دوىٍ له من عطيبات الأوجاع = وشوفك له أكبر حلم و أكبر طماعه
حبّك و حبّه لك .. ماهو تصنّاع = شخصٍ يحبّك يا أريش العين راعه
ولا جاء يعذل القلب عنّد ولا طاع = غلاك مزروعٍ بقلبه زراعه
و أرجع بردّه يا أحمر العين بسراع = أمّا يجي ولا أبعلن وداعه[/poem]



و من ثمّ تقدم الشاعر ( محمد الشهراني ) و ألقى هذه القصيدة





[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حلمت حلم أنك بجنبي و تبكين = و أمسح دموع عيونك اللي تهلّة
خيال حبً تجذبة دمعة العين = مع غفلة رموش العيون المغلّة
حالي قضى و أنتي لحالي تشوفين = و من سبتك باقلب تسعين علّة
و أنتي عن اللي داخل القلب تدرين = تدرين عن همٍّ بقلبي يملّه
مافيه داعي أشرح الوضع تكفين = أنتي علاج القلب و أنتي دوّن له
حبك عزلني عن جميع المزايين = شوفك يكفيني عن الحبّ كله
لو أن قربك ينشري بالملايين = و الله لسوق المال دقّة وجلّة
لا و الذي برضاة صلّى المصلين = منساك لوّ طويق ينكر محلّه
كلمة عهد حنا على العهد باقين = ماهوب عهد مراسلين المجلّة
لأجلك سهرت الليل و الناس ممسين = و يشهد على سهري النجوم المطلّة
و لأجلك صبرت أيام و شهور و سنين = لرضاك يا راع العيون المظلّة
حان الممات و لاحصل تقضي الدين = و الحظ دونه واحدٍ واقفنله
أبوصفلك لقرب كان ودك تدلين = وصفة أليا ماجيت قبري تدلّه
قبري جنوب و قبلةٍ عنه رجمين = و الأيسرٍ منها ياصل القبر ظلّة
و إذا عزمتي فوق قبري تصلين = فإذا سجدتي فلّي الشعر فلّة
أشم ريحن مثل ورد البساتين = جسمن كلاه الدود ريحك يبلّة
و يديك عن جسمن دفن خفف الطين = و أطلب له الغفران عن كلّ زله
و عند الوداع أكتب على القبر حرفين = ( مرحوم يااللي صاحبة مافطنله )[/poem]



و من ثم الشاعر فهد العازمي و تلاه الشاعر عايض العجمي الذي ألقى هذه القصيدة





[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يـامل عـين كن فـي موقها حرب=من وضعنا اللي تالي أيامنا خرب
شفت الليالي في مقـاديمها جرب=ا لله يادورات وقتي والازمان
ياوقت انا من طردتـك خـاطري طاب = تفتح علي ابواب وتسكر ابواب
لااقـول لاصادق ولااقول كذاب=وخليت راسي للمقادير نيشان
والشعـر جاء في صوب والناس في صوب= يادوب اسلي خاطري منه يادوب
اسوات ابـوجابرعقب بيع شيـوب = قام يتوجد بالقصأيد والالحان
والشعرله شعار باحدث الاساليـب=اتصوغ قيفانه بحكمه وترتيب
وقسمي معاهم قسم ذيب ولد ذيب = مسراه في الغدراء كما الذيب سرحان
والبارحه خأيلتـلي فـي السماء بـرق =والنـوم مـن عـيـني سرق نومها سرق
اروبع القيفان وابـني على الطرق = واقول راضي لوني اليوم زعلان
فياهاجسي من قبل حزات الاشراق = وعاد النجوم اللي مراويس شعاق
نبغي نوصلها ليـا حد الافاق =ونجدد الثورات في كل ميدان
نبغي نسيرها على كل طاروق = الين نرسمها على كل معلـوق
والصبر زين وكل مطرود ملحوق = وأنا نفذ صبري من الغبن يافلان
فعندي كلام بطرحه دون تعليق= لوصنفوني من حساب المطافيق
وانا الشجاع وموقـفي حزت الضيـق= يورد الضامي ليا صار ضـيان
وانا معي عدت مواضيع واسمع =بن اليهـود بوحدهـ العـرب تطمع
تبي تفرقهم ولاهيب تجمع = والتـفرقه هون ومذلـه وخذلان
وشحن خذينا كون اهات واوجاع = ولا التغـير في مفاهيم الاطباع
ولا سفينه دون ربان وشتـراع = وحنا على ماقيل صقه وطرمان
شفنا على الشاشات مرئي ومسموع = كم ورع من فقده لبويه مفجوع
بلل ثراء خده من الوجد بدموع = وامسى بهم وغم واوجاع واحزان
وشعوب من صوت القنابل مراويع = أمسو على الذله عطاشا مجـاويع
ولا لقو للحرب أيه دوافـيع = وتجاهلتهم لجنه حقوق الانسان
وحنا مبلى نضرب الكف بالكف = لاعاد به غأيه ولاعـاد به شف
وعدوانـا صف وقـف لـه وراء صـف= والـذيب فـلا في قطـيـع من الضان
لوقلت عمله مالقت صرف صراف= ياقوم يافزعـات ماضين الاسلاف
اللي لهم في ساعه الـضيق ميقاف=ماهوب حكي في الصحافه والاعلان
فكم من شجاع تالي الوقت معسوف= لوكان عـنده خيل ودروع وسيوف
شبره قصر واصبح على الكبد عاصوف =لوكان شيخ ومن مواريث شيخان
وين الحرار اللي تعلوا المشاريف =اللي تقود الحيف لاسار للحيف
ماهابت الا من ولي التصاريف = نبغا القضاء ونشوف وقت القضاء حان
الى متى الى متى عـيـشت الذل= نفوسنا مليت من الحقد والغل
نبي نحكم الراي وندور الحل = ونبقا يد وحده على طول الازمان
سبو رسول الله نجسين الاعمال= اللي بـعـثـه الله قدوه للاجيـال
فاالله يلعن كل كافر ومحتال = ومن سب سيدنا من اصحاب الاديان
دون النبي نوقف صناديد وزحول= ولانعـتـبر بقوالكم ياهل القول
والسيف من دونه مسنن ومصقول = سيف يقص الروس من فوق الامتان
حريه الاراء عند المهابيل = اللي يـعبدون الصنم والتماثيل
أهل الحقد وأهل الكبود المغاليل = تـرسل حقـدها صوبنا سر واعلان
الـظلم ضد النور لومالقى ضد = والجد عكس المزح لو ماحصل جـد
يعني خلاص الصبر عداء على الحد = بـيـثـورمنهو فيه لو ذره أيمان
قلنا عرب واهل الزعامه ولافاد= نبغـي نقـود السير لكن نـنـقاد
وراحت فلسطين الجريحه وبغـداد= وامس راينا ماحصل وسط لبنان
يالله يالمعبود ياخير معبود= يـاراعي المدات و الـفـضل و الجود
يافـارج الكربـات ومسير النود=حن في ذرا رحمتك يا عالي الشـان
يالله طلبتك ياصدوق الاواعيد=جنـات عدن لتقاه الاجاويـد
اللي نصرو كلمتك حق وتأييد= لاجاء نهار فيه رآبح وخسـران[/poem]


.....

كانت نسبة التصويت للجنة 70% لكل شاعر

و 30% للجمهور ( الطلاب ) وضع لهم صندوق خاص في المدرسة للتصويت فيه

نسبة تصويت اللجنة

69% للشاعر عايض العجمي
68% للشاعر فهد البقمي
65% للشاعر راكان العازمي
60% للشاعر فهد العازمي
57% للشاعر محمد الشهراني

بعدها بأيام حصدت اللجنة نتيجة الشاعر الفائز


و كانت من نصيب الشاعر ( عايض العجمي )



ليتجوّج بلقب شاعر النهضة

و حصل الشاعر ( فهد البقمي ) على المركز الثاني

و قدمت منتديات الرائدية درع و جائزة للشاعر عايض العجمي

و جائزة للشاعر فهد البقمي


بعدها أنتهت مسابقة شاعر النهضة

ليحصل الشاعر عايض العجمي لقب شاعر النهضة لعام 1427-1428 هـ .


ـ بعض الصور ـ








ولكم التحية ،،