الفرق بين مقدّم الراس .. و .. الذيل .. !!

[ماجد المري]

[align=center]السلام عليكم ورحمة الله وبركاته

::

لا أجيد المقدّمات .. لذا ...

::[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
ما عاد أنا بإيّاي لا ضاق صدري=وما عاد دمعي ينمسح بالمناديل
:
لا قيل كيف الحال ؟ جاوبت مدري=والحيل وين الحيل ؟ ما عاد بي حيل
:
آجر صوتي وآتنهت وأهذري=وأرجي يزين الحال عقب البهاذيل
:
كنت آتعلل لا تضايقت وأسري=واليوم لا مسرى ولا به تعاليل
:
أخفي همومي لا تضايقت وأثري=عند العرب واضح مثل "نجمة سهيل"
:
أخطي / بلا مقصد ولا فاد عذري=والناس صارت تخلط الكيل بالكيل
:
الفرق واضح وأغلب الناس تدري=بالفرق بين مقدم الراس .. والذيل
:
ما دام قول الناس للناس يغري=ما لي ومال متبّع القال والقيل
:
يا حيف / يا وقت خسرته بعمري=يالله عساكـ تعوّضه في المقابيل
:
أصبر .. وأدوّر حل لا طال صبري=مثل البدو لا صار طلباتهم "سيل"
:
وأطلع من أحزاني بما جاد فكري=في بيت شعر(ن) كان كل المحاصيل
:
لا صرت ما خاويت "بشت يذرّي"=فلا تحرّى غير .. مرّ وتهاويل[/poem]

[align=center]::

" ماجـــــد المـــري "[/align]