خير اللهم اجعله خير00حلمت فيكم كلكم!!

[مدلول]

[align=center]بسم الله الرحمن الرحيم

أعزائي أعضاء الرائدية00

بعد التحية ومزيد الاحترام000

(( أنا اجتمعت معكم في المنام ، واللي يعرف يفسر هالحلم حياه الله ))

لقد رأيت في منامي أننا مجتمعين في الرائدية ،وكنا نجلس في

صالة كبيرة على شكل مسرح00

المهم كان يجلس على يميني ابو رائد ، وعلى يساري ابو سعود

والبقية كانوا يجلسون أما منا 000

المهم بدأ الحديث والنقاش من عند الأخ ابو رائد ، وقال (( يالربع نبي نسوي مجلس للرائدية ونبيكم يالربع تنتخبون لناا اعضاء

نبي أعضاء لمجلس الرائدة ؛ نبي دماء جديدة ، وأنا

بصراحة كنت أراقب ردة الفعل عند برق الشمال واحساس العالم ، شفتهم

تقل ماهو جايزن لهم الحكي ، بس ماعرفت وش السبب ! أنتم

تعرفون ؟ طيب فسرولي هاالجزء من الحلم في ردودكم 000

ثم بعد ذلك قال ابو رائد ، وكان زعلان ومعصب وبصوت

عالي قال :

قم يابو الزير ؟ قامت تصافق رجلين ابوالزير، ( الظاهر حاس انه

غلطان )وقام وقال سم يابورائد !!

قال أبو رائد : انت علامك ماتترك فصلاتك على الباند ... كل شوي يجيني عضو يشتكي منك

الله ومال الله ان شفت احد مره ثانية يشتكي منك .. الا اربطك عند باب الرائدة .. واخليك عبره لغيرك

قال ابوالزير إنت تامر يابو رائد !

اللي يقدر يفسر الحلم يفسره لنا !!!

وبعد كذا توجه أبو رائد لراضي الشمري وقال : وين خويك ؟

قال راضي كل الأعضاء خوياي !!

قال أبو رائد : أنت عارف من أقصد !!

(( من تتوقعون يقصد أبو رائد ؟؟))

قال اراضي : خلاص فهمت اللي تبي تقوله يابو رائد!! وابشر راح نجدد

ونغير مواضيعنا اللي ذبحناكم فيها !!

يا ترى أي مواضيع يقصد راضي ؟

أنا شخصيا ما اعرف !!

لذالك اللي يعرف 00عليكم نووووووووور يعلمنا !

بعد شوي وإلا أبو رائد يلتفت يمي ويقول : إنت يا مدلول وش

اللي مجلسك معنا على المنصه ؟!!

قلت له أنا راعي الحلم واجلس بالمكان اللي أبي والا ترى بصحى من

النوم هالحين وضيع عليكم بقية الحلم !!

قال أبو رائد / لالالالالا أفا عليك إنت مكانك بجنبي هنا على طول ؟!

بصراحة أنا استانست كثييييير ولو إني شفت بعض الناس ما جازلهم

كلامه !!

المهم وأنا بغمرة فرحتي التفت يمي وقال الظاهر صدقت كلامي؟! وقبل

لا أرد قال :قم بس قم انزل مع اخوياك تحت !

بصراحة أنا ما خفت منه ! ولكن خفت آخذ وأعطي معه بالكلام ! وترتفع

أصواتنا ! وبعدين يحصل شي ما ابيه ! ونزلت 0

اللي يعرف وش هو هالشي يفسر الحلم ويقول !!

قال أبو رائد: ياخوي يبو سعود شاركني الحديث تكفى ! تراني تعبت !

قال ابوسعود أبشر بسعدك !


المهم أخذ المايكرفون ابوسعود وقال :

بصراحه أنا أشوف فيه ناس فيهم لقافه !

يعني تلقى الموضوع ما هو له منزله أحد الأعضاء ، ويوم تبدأ الردود ،

يقوم أخينا بالله ويسوي مشاكل مع أصحاب المداخلات ، ويزعل أكثر من

صاحب الموضوع نفسه !

تدرون منهو لالالالالا ما هو هو ! وهالمره ما نبي أحد يفسر لنا هالحلم !

ههههههههههههههههههههاي

وقام أبو رائد وقال ذكرتني يا خوي ابوسعود/

قال ابو رائد: قومي يالريم ...

قالت الريم: سم يا طويل العمر ...((متاثره بالافلام الاردنية ))

قال ابو رائد: حنا حطيناج على مطبخ الرائدة..والله الله بالطبخات السنعه

وترا اقولج من اللحين خدامه مامن خدامه ... يعني انتي اللي تغسلين مواعين المطبخ

والا والله اخليج نفس ابو الزير ... فاهمه

قالت الريم: ابشر .. كلش ولا اصير نفس ابو الزير


اللي يعرف تفسير الحلم هذا ؟! تكفون يعلمن ؟!



المهم < لحظه يالربع أبي آخذ نفس ! لأني تعبت وأنا أحلم لكم ؟! >

خلاص ارتحت ! ! وش كنا نقول ؟ إيه التفت ابو رائد لبو جيلان (

وهو تراه صديقي ! لا مو ابو رئد! ابو جيلان ) وقال يا زينك يا

هالغليم _ بتشديد الياء _ لو بس 0000000000من المواضيع !

اللي يعرف يكمل الفراغ يكمله !

المهم توجه أبو رائد يم البنيات وقال :

يا فلانه ( طبعا هو ما قال يافلانه ! هو نا داها باسمها

ههههههههههاي) وقالت سم يبو رائد! قال هو سم الله عدوك !! لا

لا تذكرت قال : عدوك يسم ! إيه قال هذي الأوله امسحوها

هههههههههههههههههههههههههههههههههههاي

قال إنتي رائعه ! واستانست البنيه ! وبعدين رد وقال :

ليش ما تردين على مواضيعك ! - هالمره ما استانست البنيه - ترى

الإنسان لا ما كول ولا مشروب ! الإنسان بتعامله ! وانتي حاولي تنزلين

من برجك العاجي ! < بصراحه أنا فهمت كل الكلام اللي راح إلا هالبرج

العاجي ؟! ما ادري وشو !؟ من يعرف وشو ؟!

آآآآآآآآآآآآآه بالله هذا معناه ! تصدقون كنت أحسبه شي زين أول ان

الواحد يعيش برج عاجي ! كان عندي انطباع إنه حاجه زي الفيل كذا

ههههههههههههههههههههاي

اللي يعرف لا يقول من هي؟!

المهم قا موا الربع يتثاوبون ! وجاهم النعاس ! قلت أبي أصحى

هالحين ! واحلم لكم بعدين !!

بس وأنا بالحلم ! حلمت إن حلمي الجاي أحسن كثير من حلمي هذا !

ههههههههههههههههههههههههههههههههههههههههههههههاي

المهم أبي أشوف تفا علكم ! ومشاركتكم ! واللي يشارك أبي أضبطه

بالحلم الجاي !! هههههههههههههههههههههاي

وعلى فكره با قي ناس واجد ! الدرب عليهم 0

تحياتي لكم جميعا0000


مدلول[/align]